Barchasi qat’iy reja asosida — Rossiya Mudofaa vazirligi Xersondagi chekinish haqida

Rossiya Mudofaa vazirligi 10-noyabrdagi kundalik brifingda Dneprning o‘ng qirg‘og‘idagi hududlardan qo‘shinlar olib chiqilishi haqida xabar berdi, deb yozadi Meduza.

Bo‘linmalar Dnepr daryosining chap qirg‘og‘ida tayyorlangan pozitsiyalarga tasdiqlangan reja asosida ko‘chirilmoqda.

Igor Konashenkov, Rossiya Mudofaa vazirligi rasmiy vakili

Ukrainaga bostirib kirishda qatnashgan rus qo‘shinlari qo‘mondoni, armiya generali Sergey Surovikin 9-noyabr kuni Rossiya mudofaa vaziri Sergey Shoyguga Dneprning o‘ng qirg‘og‘ini himoya qilishga urinishlarni “umidsiz” deb hisoblashini bildirdi. Shoygu uning taklifiga rozilik bildirib, qo‘shinlarni chap qirg‘oqqa o‘tkazishni buyurdi, bu Xersonning Ukrainaga topshirilishi va rus harbiylarining Xerson viloyati hududining muhim qismidan chiqib ketishini anglatadi.

Mavzuga doir:

• Ramzan Qodirov Surovikinga Xersondan chekinish qarori uchun minnatdorlik bildirdi
• “Rus qo‘shinlarini Xersondan chiqib ketishi haqida gapirishga hali erta” — Podolyak
• Zelenskiy Xerson viloyatida 4 ta harbiy ma’muriyat tuzdi