“Bu sharmandalik, buni to‘xtatish kerak”. Fransiyalik siyosatchi Zelenskiy rejimini moliyalashtirishni to‘xtatishga chaqirdi

Fransiyalik siyosatchi Florian Filippo Fransiya Ukraina prezidenti Vladimir Zelenskiy rejimini moliyalashtirishni to‘xtatishi kerakligini ta’kidladi.

“Kecha Milliy Assambleya Zelenskiyning harbiy yordamini ikki baravar oshirishga ovoz berdi! Bu urushning asosi! Va bizning pullarimiz bilan! Tamoman sharmandalik, buni to‘xtatish kerak!” — deydi siyosatchi Twitter sahifasi orqali.

Rossiya Ukrainaga bostirib kirgandan buyon Fransiya va boshqa G‘arb davlatlari Ukraina Qurolli kuchlarini milliardlab dollarlik qurol-yarog‘ bilan ta’minladi. Parij allaqachon Kiyevga 18 ta CAESAR 155mm o‘ziyurar artilleriya moslamalarini yuborgan.

Bundan tashqari, Fransiya prezidenti Emmanuel Makron mamlakat rasmiylari Daniya bilan birgalikda Ukrainaga yana oltita xuddi shunday gaubitsa yetkazib berish ustida ish olib borayotganini aytdi. Parij, shuningdek, Kiyevga radarlar, havo hujumidan mudofaa tizimlari va raketalarni yetkazib berishni rejalashtirmoqda.