Insoniyat sivilizatsiyasi namunalarini bashorat qilish uchun mo‘ljallangan World One superkompyuteri biz bilgan hayot 2050-yilga kelib tanazzulga uchrashini bashorat qildi, deb yozadi Daily Star.
Mashina ifloslanish, tabiiy resurslar bilan ta’minlanganlik va tug‘ilish darajasi kabi omillarni tahlil qilish uchun ilg‘or algoritmdan foydalanadi. Uning o‘tmishdagi bir qancha bashoratlari, jumladan, Yerda hayotiy minerallar mavjudligining kamayishi haqidagi prognozlari ham o‘zini oqlagan.
World One shu paytga qadar quyidagilarni bashorat qilgan:
- 2020-yilga kelib, sayyoradagi hayot juda muhim bosqichga kiradi.
- Tegishli choralar ko‘rilmasa, hayot sifati oxir-oqibat nolga tushadi.
- Sayyoramizning ifloslanishi shunchalik yuqori darajaga chiqadiki, u odamlarni o‘ldirishni boshlaydi va bu, o‘z navbatida, aholi sonining 1900-yillarga nisbatan ancha kamayishiga olib keladi.
- Ekologik zararsiz avtomobillarning ko‘payishi va tug‘ilishni nazorat qilishning yo‘lga qo‘yilishi ham dunyoning omon qolishiga unchalik katta yordam berolmaydi.
World One superkompyuteri 1973-yilda jahon hamjamiyatining e’tiborini insoniyatning global muammolariga qaratishga harakat qilayotgan xalqaro jamoat tashkiloti — Rim klubi buyurtmasi bilan yaratilgan. Rim klubi turli fanlarda qo‘llaniladigan keng ko‘lamli mavzular bo‘yicha ulkan tadqiqotlarni tashkil etish bilan shug‘ullanadi.
Izoh (0)