AQSH Vakillar palatasida Pensilvaniya shtatidan Demokratlar partiyasi a’zosi Entoni Deluka 9-oktabrda vafot etganiga qaramasdan, ikkinchi muddatga qayta saylandi, deb yozadi Fox News.
Telekanal ma’lumotlariga ko‘ra, erkak 85 yoshda bo‘lgan, limfoma kasalligidan vafot etgan. Unga saylovchilarning qariyb 86 foizi ovoz bergan, ustiga-ustak, 14 mingta ovozni saylov kuni, yana 7 mingtasini pochta orqali qo‘lga kiritgan.
“Vakilimiz Toni Delukaning vafotidan g‘oyada chuqur qayg‘uda bo‘lsak-da, saylovchilar uni qayta saylab, unga va uning demokratik qadriyatlarga sodiqligiga nisbatan ishonchlarini namoyish qilishda davom etayotganidan faxrlanamiz”, — deyiladi vakillar palatasida Pensilvaniyadan demokratlar Twitter’ga joylagan xabarda.
Bundan tashqari, Kongressning quyi palatasiga saylovlarda Demokratlar partiyasining Tennessi shtatidan vakili Barbara Kuper g‘olib bo‘ldi, u esa 25-oktabr kuni 93 yoshida olamdan o‘tgan.
8-noyabr kuni AQSHda Kongressning yuqori va quyi palatalari — senat va vakillar palatasiga saylovlar bo‘lib o‘tdi. So‘nggi ma’lumotlarga ko‘ra, vakillar palatasida respublikachilar 222 ta o‘rin (213 taga qarshi) bilan yetakchilik qilmoqda. Senatda esa teng — 48 nafar demokrat va 48 nafar respublikachilar bor.
Mavzuga doir:
Izoh (0)