АҚШ Вакиллар палатасида Пенсильвания штатидан Демократлар партияси аъзоси Энтони Делука 9 октябрда вафот этганига қарамасдан, иккинчи муддатга қайта сайланди, деб ёзади Fox News.
Телеканал маълумотларига кўра, эркак 85 ёшда бўлган, лимфома касаллигидан вафот этган. Унга сайловчиларнинг қарийб 86 фоизи овоз берган, устига-устак, 14 мингта овозни сайлов куни, яна 7 мингтасини почта орқали қўлга киритган.
«Вакилимиз Тони Делуканинг вафотидан ғояда чуқур қайғуда бўлсак-да, сайловчилар уни қайта сайлаб, унга ва унинг демократик қадриятларга содиқлигига нисбатан ишончларини намойиш қилишда давом этаётганидан фахрланамиз», — дейилади вакиллар палатасида Пенсильваниядан демократлар Twitter’га жойлаган хабарда.
Бундан ташқари, Конгресснинг қуйи палатасига сайловларда Демократлар партиясининг Теннесси штатидан вакили Барбара Купер ғолиб бўлди, у эса 25 октябрь куни 93 ёшида оламдан ўтган.
8 ноябрь куни АҚШда Конгресснинг юқори ва қуйи палаталари — сенат ва вакиллар палатасига сайловлар бўлиб ўтди. Сўнгги маълумотларга кўра, вакиллар палатасида республикачилар 222 та ўрин (213 тага қарши) билан етакчилик қилмоқда. Сенатда эса тенг — 48 нафар демократ ва 48 нафар республикачилар бор.
Изоҳ (0)