Toshkent viloyatida tadbirkorning 500 dollarni qo‘lga kiritmoqchi bo‘lgan bo‘lim boshlig‘i ushlandi, deb xabar bermoqda Bosh prokuratura departamenti.
Departament va DXXning Toshkent viloyati boshqarmalari tomonidan Nurafshon shahrida o‘tkazilgan tezkor tadbirda, viloyat avtomobil yo‘llari hududiy bosh boshqarmasi bo‘lim boshlig‘i F.A. “T.M.” oilaviy korxonasiga tegishli ikkita savdo do‘konining texnik shart hujjatlarini rasmiylashtirib berish evaziga korxona rahbari J.Sh.dan 500 dollarni firibgarlik bilan olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)