Oila va xotin-qizlarni qo‘llab-quvvatlash jamg‘armasining maqsad va vazifalari belgilandi, deb xabar bermoqda Adliya vazirligi “Huquqiy axborot” Telegram kanali.
Qayd etilishicha, hukumatning 4-noyabrdagi qarori bilan Oila va xotin-qizlarni qo‘llab-quvvatlash davlat maqsadli jamg‘armasi faoliyatini tashkil etish to‘g‘risida nizom tasdiqlandi.
Nizomga ko‘ra, jamg‘armaning asosiy maqsadi xotin-qizlarni har tomonlama qo‘llab-quvvatlash, jumladan:
- og‘ir ijtimoiy vaziyatga tushib qolgan xotin-qizlarga moddiy yordam ko‘rsatish;
- oilaviy va xususiy tadbirkorlik, hunarmandchilikni tashkil etishda ko‘maklashish;
- mehnat bozorida talab yuqori bo‘lgan kasblar bo‘yicha bilim va ko‘nikmalarni egallashda ularga ko‘maklashish va rag‘batlantirishdan iborat.
Ma’lumot uchun, prezidentning 2022-yil 1-martdagi farmoni bilan Xotin-qizlarni qo‘llab-quvvatlash davlat maqsadli jamg‘armasi Oila va xotin-qizlarni qo‘llab-quvvatlash davlat maqsadli jamg‘armasi sifatida qayta tashkil etilgan.
Izoh (0)