Toshkent shahar IIBB matbuot xizmati Sergeli tumanidagi avtomobil bozorida erkakning yuzini kesgan qashqadaryolik fuqaro qidiruvga berilganini e’lon qildi.
Qayd etilishicha, 2022-yilning 2-iyulida kuni Sergeli tumanidagi avtomobil bozorida ikki erkak o‘zaro janjallashib qolgan. Janjal vaqtida 1986-yilda tug‘ilgan M.B. qo‘lidagi pichoq bilan A. ismli fuqaroning yuzini kesib yuborgan.
Huquq-tartibot idoralari xodimlari tomonidan M.B.ga nisbatan 277-modda 2-qismi “v” bandi (sovuq qurol qo‘llab bezorilik qilish) bilan jinoyat ishi qo‘zg‘atilgan.
Fuqaro tergovdan yashiringani uchun sirtdan ayblanuvchi sifatida ishtirok etishga jalb qilinib, unga sirtdan qamoqqa olish tarzidagi ehtiyot chorasi qo‘llanilib, hozirda qidiruvga berilgan.
Izoh (0)