Kuz kelib, sovuq tushishi bilan barchamiz xonadonlarimizni eng qulay vositalar yordamida isitish va issiq suv bilan ta’minlash haqida o‘ylay boshlaymiz. Kimdir isitish moslamalarini yangisiga almashtirsa, boshqa birov eskisini ta’mirlashga shoshadi, yana kimdir esa elektr toki bilan ishlaydigan isitgichlarini sozlashga kirishadi. Bularning barchasi biz necha yillardan buyon foydalanib kelayotgan isitish vositalaridir.
Ammo bu yilgi qish mavsumi yanada issiqrok o‘tishini ta’minlashga xizmat qiluvchi yangi mahsulot yaratildi. Endilikda “Texnopark” MCHJ “ROYAL” brendi ostida yangi innovatsion mahsulot – quyosh suv isitgichlarini ishlab chiqarmoqda.
Quyosh suv isitgichini (kollektor) maishiy issiq suv, isitish tizimlari va hovuz suvini issiqlik almashtirgich orqali isitishda qo‘llash mumkin. Issiqlik yo‘qotilishini kamaytirish uchun quyosh kollektori mineral jun bilan izolyatsiya qilingan. Yozning quyoshli kunida kollektor suvni 70° dan 80°C gacha isitishga qodir. Qishning quyoshli kunida esa 50° dan 60°C gacha.
ROYAL 150 – 1000 litrli tizim uchun yuqori samaradorlikka ega hisoblanadi. Issiq suv bilan ta’minlash uchun eng oddiy tizim bo‘lib, suvni harakatlantirish uchun nasosga ehtiyoj sezmaydi. Chunki suyuqlik qizib, fizika qonuniga ko‘ra, u tabiiy ravishda harakat qiladi. Muqobil energiyadan foydalanish issiq suv ta’minoti, uy yoki boshqa binolarni isitish xarajatlarini sezilarli darajada kamaytiradi. Quyosh kollektorlari yiliga suv isitish uchun – 60 foiz, isitish tizimi uchun – 30 foizga xarajatlarni kamaytirishga imkon beradi.
“Texnopark” MCHJda TPF 2510, TPF 2108, TPF 1808 nomli 3 ta model ishlab chiqariladi. Ularning umumiy o‘lchamlari mos ravishda 1988x1218x90, 1988x1041x90, 1927x927x90.
Mahsulotning konstruksiya xususiyatlari
Yangi turdagi isitgichlarning mis absorberli, yuqori samarali selektiv qoplamali, katta maydonli hamda tekis plastinkali turlari mavjud.
Kollektorlarni parallel ravishda 10 donasini ulash mumkin. Perimetr bo‘ylab o‘rnatilgan alyuminiy rama va panellarning choksiz qotirilishi tufayli, uzoq muddatli germetik va yuqori mustahkamlik ta’minlanadi. Mustahkam va korroziyaga chidamli alyuminiy qotishma orqa plitaga o‘rnatilgan. Zanglamaydigan gofrali quvurdan tayyorlangan moslashuvchan ulagichlar yordamida kollektorlarni tez va ishonchli ulash imkoni mavjud.
Selektiv qoplamali absorberlar orqali birlashtirilgan quvurlar va yuqori samarali issiqlik izolatsiyasi tufayli yaxshi natijaga erishish mumkin.
Ushbu mahsulotni ishlab chiqarishda Hennecke, Optimum, Trumpf (Germaniya), Linkoln (AQSH), Sunrise Solar (Gretsiya), Wicon (Turkiya) kabi jahon yetakchilarining eng ilg‘or tajribalaridan foydalanilmoqda. Shuningdek, absorbik qoplama (Almeco, Italiya), zanglamaydigan po‘lat (Posco, Janubiy Koreya), issiqlik o‘tkazmaydigan material (DOW AQSH) kabi yuqori sifatli materiallar ham uning samaradorligini yanada oshiradi.
ROYAL brendi ostidagi yangi innovatsion mahsulot nemis texnologiyasi bo‘yicha ishlab chiqarilmoqda. Barcha quyosh suv isitgichlari va kollektorlari xalqaro sifat sertifikatlariga ega. ROYAL Quyosh kollektorining ramasi (korpusi) alyuminiy profildan yasalgan bo‘lib, tarkibida temir miqdori past bo‘lgan shisha bilan qoplangan. Korpus ichiga mis quvurlari o‘rnatilgan bo‘lib, ustidagi alyuminiy selektiv qoplama tufayli issiqlik tashuvchi (distillangan suv yoki suv va antifriz qorishmasi) isitiladi va issiqlik energiyasini saqlash idishiga (suv isitkichga) o‘tkaziladi. Ushbu mis quvurlar yuqori issiqlik o‘tkazuvchanligiga ega bo‘lib, kollektorning sifati va foydalanish davrining uzunligini ta’minlaydi.
Alyuminiy selektiv qoplama absorber deb nomlanadi va kollektorning asosiy elementi hisoblanadi. Aynan shu yerda quyosh nurlari issiqligi suvga o‘tkaziladi. Selektiv qatlam bilan qoplangan absorber mis quvurlarga avtomatik lazer payvandlash usuli bilan o‘rnatilgan bo‘lib, u kiruvchi quyosh nurlarini issiqlik energiyasiga maksimal darajada (95 foizgacha) aylantirishni ta’minlaydi. Bunday holda, absorberdan nurlanish tufayli issiqlikning faqat kichik bir qismi yo‘qoladi. Quyosh kollektorlari to‘g‘ri o‘rnatilgan va to‘g‘ri foydalanilgan holda 20 yildan ortiq suv isitish uchun xizmat qiladi.
Isitish texnologiyasining ko‘pgina boshqa tarkibiy qismlaridan farqli o‘laroq, ular doimiy ravishda ob-havo ta’siriga duchor bo‘lganligi sababli, mahkamlash uchun juda aniq talablar qo‘yiladi: ular uzoq muddatli korroziyaga chidamli bo‘lishi kerak, chunki qurilish konstruksiyalariga joylashtirishda arxitektura dizayni muhim rol o‘ynaydi.
Bozorning jadal rivojlanishini hisobga olgan holda, ishlab chiqaruvchi tomonidan kollektorlarni deyarli barcha tom shakllari va o‘rnatish variantlari uchun yechimlar yaratilgan.
Rasmiy distribyutor Proline:
(95) 323-33-33(95) 325-55-55
Reklama huquqi asosida.
Izoh (0)