“O‘zbekiston bo‘ylab sayohat qil!” dasturi doirasida sentabrdan oktabrgacha sayohat uchun keshbek platformasida 2 816 ta sayohat qayd etildi.
Turizm va madaniy meros vazirligining ma’lum qilishicha, bunda 2 418 nafar fuqaro ichki turizmga sarflangan xarajatlar hisobini yuritishni boshladi.
Ular:
- avia, temiryo‘l va (yoki) avtobus transporti chiptasini xarid qilish;
- joylashtirish vositalaridan (mehmonxonalar, dam olish uylari va zonalari, mehmon uylari va boshqalardan) foydalanish;
- madaniy meros obyektlariga tashrif buyurish uchun amalga oshirilgan to‘lovlarga taqdim etilgan QR-kodli cheklarni Soliq mobil ilovasida ro‘yxatdan o‘tkazgan.
Eslatib o‘tamiz, 2022-yilning 1-sentabridan boshlab respublika bo‘ylab sayohat qiluvchi sayyohlar xarajatlarining 15 dan 50 foizigacha keshbekka ega bo‘lishi mumkin.
Izoh (0)