Bugun,

  • USD 11095.31
  • RUB 173.84
  • EUR 10772.44

Namanganda intim mavzudagi video va audioyozuvlarni ijtimoiy tarmoqlarda tarqatmaslik evaziga 30 ming dollar talab qilgan shaxs qo‘lga olindi. Bu haqda “Daryo” muxbiri Azizbek Abduvaliyev xabar bermoqda.

Foto: Namangan viloyat IIB matbuot xizmati

Foto: Namangan viloyat IIB matbuot xizmati

Namangan tumanida yashovchi fuqaro viloyat IIBga murojaat qilib, dori-darmon savdosida hamkorlikda ishlab kelayotgan ayol sherigi bilan birga Samarqandga ketayotgan payt intim mavzuda o‘zaro suhbatlashishgani, oradan uch kun o‘tib noma’lum shaxs unga qo‘ng‘iroq qilib, mazkur muloqotga oid video va audioyozuvlarni ijtimoiy tarmoqda tarqatmaslik evaziga 30 ming dollar talab qilayotganini bildirgan va chora ko‘rishni so‘ragan.

Ushbu arizaga asosan IIV shaxsiy xavfsizlik bosh boshqarmasi viloyat boshqarmasi, JQB korrupsiya va iqtisodiy jinoyatlarga qarshi kurashish bo‘limi xodimlari tomonidan tezkor tadbir o‘tkazildi.

O‘tkazilgan tezkor tadbir davomida arizachidan 30 ming dollar talab qilgan shaxslar maxsus kimyoviy ishlov berilgan 20 ming AQSH dollari va 110 million so‘mni Namangan shahridagi Nodira ko‘chasida olishgan payt ashyoviy dalillar bilan qo‘lga olingan.

Foto: Namangan viloyat IIB matbuot xizmati

Foto: Namangan viloyat IIB matbuot xizmati

Viloyat IIB matbuot xizmatining ma’lum qilishicha, mazkur holat yuzasidan O‘zbekiston Respublikasi Jinoyat kodeksining 165- moddasi 3-qismi bilan jinoyat ishi qo‘zg‘atilib, gumon qilinuvchi ushlangan. Hozirda tergovga qadar surishtiruv ishlari olib borilmoqda.

Izoh
Asosiy yangiliklar
Mahalliy
O‘zbekistonda kelasi hafta 42 darajagacha issiq bo‘ladi
Mahalliy
Toshkentda yo‘lning qatnov qismida prank uyushtirgan yigitlar 3 sutkaga qamaldi
Dunyo
Dunyo bo‘ylab millionerlar soni sezilarli darajada kamaydi