Samarqandda sammit o‘tkazilishi munosabati bilan bir qator ko‘chalarda transport harakati cheklanadi.
Viloyat IIB matbuot xizmatining ma’lum qilishicha, 10—11-noyabr kunlari Turkiy davlatlar tashkilotining I sammiti o‘tkazilishi munosabati bilan tadbir kunlari Samarqand shahrining ayrim ko‘chalarida transport vositalarining harakati vaqti-vaqti bilan cheklanadi.
Transport vositalarining harakati cheklanadigan ko‘chalar: Ibn Sino, Bo‘stonsaroy, Universitet xiyoboni, Namozgoh, Sadriddin Ayniy, Registon, Rudakiy, Shohizinda, Usto Umar Jo‘raqulov, Islom Karimov, Afrosiyob, Beruniy, Mirzo Ulug‘bek, Gulobod, Muqimiy va Dahbed.
Harakat qatnovi cheklangan ko‘chalarda tez tibbiy yordam va favqulodda vaziyatlar bo‘linmalari transport vositalariga istisno tariqasida harakatlanish uchun ruxsat beriladi.
Mavzuga doir: Samarqand aeroporti sammit kunlari yana yopiladi
Izoh (0)