«Дарё»да Қашқадарё вилоятининг Қамаши туманида мактаб ўқувчиси туман Кенгаши депутати томонидан калтаклангани хабар берилганди. Бош прокуратура ахборот хизмати раҳбари Ҳаёт Шамсутдиновнинг «Дарё»га билдиришича, мактаб ўқувчисини калтаклаган депутат воқеаси бўйича терговга қадар текширув бошланган.
2006 йилда туғилган, Қамаши тумани ХТБ қарашли 22-сонли мактабнинг 9-синф ўқувчиси Элшод Келдиёров шу мактабнинг 8-синфида ўқувчи, вояга етмаган Ч.П. билан ўзаро телефон орқали ишқий муносабатда гаплашиб юриб, 2022 йил 3 ноябрдан 4 ноябрга ўтар кечаси 02:35 ларда қизнинг уйига борган. Ва дераза орқали унинг ётоқхонасига кирган. Шунда Панжи Нуртоев Элшод Келдиёровни қизининг ётоқхонасида ушлаб олган. П.Нуртоев ўғли Шерзод Нуртоев билан бирга вояга етмаган Э.Келдиёровни уриб, унга тан жароҳати етказган, — дейилади Бош прокуратура ахборотида.Таъкидланишича, шу куни тунги соат 04:00 ларда вояга етмаган Элшод Келдиёров калла мия ёпиқ шикасти, бош миянинг чайқалиши, юзининг кўп сонли тўқималари лат ейиши билан Қамаши туман тиббиёт бирлашмасига ётқизилган.
Ҳозирда ҳолат юзасидан судга оид тиббий экспертиза тайинланган. Ҳолат Қамаши туман ИИБнинг навбатчилик қисмидаги «Шакл-1» китобига рўйхатга олиниб, дастлаб терговга қадар текширув ҳаракатлари туман ИИБ ҳузуридаги Тергов гуруҳи томонидан олиб борилган. П.Нуртоев Халқ депутатлар Қамаши туман Кенгаши депутати бўлганлиги сабабли, терговга қадар текширув ҳаракатларини давом эттириш учун тўпланган ҳужжатлар Қамаши туман прокуратураси терговчиси С.Ҳусановнинг иш юритувига ўтказилди, — дейилади масъуллар изоҳида.Эслатиб ўтамиз, депутат Панжи Нуртоев ишини бажараётган «Дарё» журналистини ҳақоратлаб, тилга олиб бўлмайдиган сўзлар қўллаганди.
Изоҳ (4)
Бу одам депутатлигининг нима қизиғи бор? Сарлавҳаниям жуда объектив бўлмаган ҳолда қўйибсизлар. Калтак еган бола тирик қолганига шукр қилиши керак аслида
O'sha jurnalistni qizi bilan ham shunday bo'lsinchi shu vaqtda birovga intervyu berib o'tirarkanmi?
O'lgani yaxshi edi buni
Buni nimasini tekshirishadi. Erkak kishi qilishi kerak bo'lgan ishni qilishibdi. O'ldirib qo'ymaganiga shukur qilsin.