Bugun (3-noyabr) Samarqandda O‘zbekiston iqtisodiy forumi o‘z ishini boshladi. Xalqaro tadbirda mingdan ortiq xorijiy va mahalliy iqtisodiy blok vakillari, investorlar va ekspertlar ishtirok etmoqda, deya xabar bermoqda “Daryo” muxbiri.
Mazkur forumning mavzusi prezident Shavkat Mirziyoyev tashabbusi bilan joriy yilning “Inson manfaatlarini ta’minlash va mahalla taraqqiyoti yili” deb e’lon qilinishi va Yangi O‘zbekistonni rivojlantirish strategiyasining asosiy yo‘nalishlari bilan bevosita bog‘liq. Ushbu forum mingdan ortiq mehmonlarni jalb qildi” – dedi vazir.
Jamshid Qo‘chqorov so‘zi davomida O‘zbekistonda iqtisodiy o‘sish ko‘rsatkichlari oshib borayotgani haqida gapirdi.
Bu yil biz 5 foizdan yuqori bo‘lgan iqtisodiy o‘sishni prognoz qilyapmiz. Yil boshidan beri ichki mahsulot 5,8 foizga o‘sdi. Pandemiyadan keyingi vaziyat va global tangliklarda O‘zbekiston rahbariyati doimiy ravishda islohotlarni davom ettirishning qattiq tarafdori bo‘ldi. Yil boshidan beri qishloq xo‘jaligi sektori 3,6 foizga o‘sdi. Bu juda yaxshi ko‘rsatkich. Biz bozorni erkinlashtirishga qaror qildik. 100 ming gektar qishloq xo‘jaligi yerlarini uzoq muddatga lizinga taqdim etdik. O‘zbekistonga chet eldan naqd pul o‘tkazmalari o‘sdi va xizmatlar sektori ham yaxshi o‘sib bormoqda. Menimcha, bular iqtisodiy o‘sishimizni ta’minlovchi asosiy omillar bo‘lmoqda.Vazirning qo‘shimcha qilishicha, global vaziyat tufayli valyuta bo‘yicha siyosatni qattiqlashtirish zarur bo‘lmoqda.
“Butun dunyoda bazaviy stavkalar oshishi kuzatilmoqda. Ko‘p insonlar dunyoda iqtisodiy o‘sish sekinlashishi va hatto to‘xtab qolishi haqida gapirmoqda. Hozir biz rivojlanayotgan davlatmiz. Qarz oluvchi mamlakatmiz. Valyuta bo‘yicha qattiqroq siyosatga o‘tishimiz kerak bo‘lmoqda. Xavotirlarimiz mavjud. Dollarning almashinuv kursi oshadi deyilmoqda. Narxlar oshishi va qarz olish qiyinlashishi aytilmoqda. Albatta, biz jahon ham iqtisodiyotining bir qismimiz. Bo‘layotgan jarayonlardan chetda qola olmaymiz”, – bosh vazir o‘rinbosari
Ma’lum qilinishicha, forumda Jahon banki vitse-prezidenti Anna Bjerde, Osiyo taraqqiyot banki vitse-prezidenti Shiksin Chen, Osiyo infratuzilma sarmoyalari banki vitse-prezidenti Konstantin Limitovskiy va Xalqaro valyuta jamg‘armasi departament direktori Jihod Azur kabi martabali mehmonlar ham qatnashmoqda.
Izoh (0)