Бугун (3 ноябрь) Самарқандда Ўзбекистон иқтисодий форуми ўз ишини бошлади. Халқаро тадбирда мингдан ортиқ хорижий ва маҳаллий иқтисодий блок вакиллари, инвесторлар ва экспертлар иштирок этмоқда, дея хабар бермоқда «Дарё» мухбири.
Мазкур форумнинг мавзуси президент Шавкат Мирзиёев ташаббуси билан жорий йилнинг «Инсон манфаатларини таъминлаш ва маҳалла тараққиёти йили» деб эълон қилиниши ва Янги Ўзбекистонни ривожлантириш стратегиясининг асосий йўналишлари билан бевосита боғлиқ. Ушбу форум мингдан ортиқ меҳмонларни жалб қилди» – деди вазир.
Жамшид Қўчқоров сўзи давомида Ўзбекистонда иқтисодий ўсиш кўрсаткичлари ошиб бораётгани ҳақида гапирди.
Бу йил биз 5 фоиздан юқори бўлган иқтисодий ўсишни прогноз қиляпмиз. Йил бошидан бери ички маҳсулот 5,8 фоизга ўсди. Пандемиядан кейинги вазият ва глобал тангликларда Ўзбекистон раҳбарияти доимий равишда ислоҳотларни давом эттиришнинг қаттиқ тарафдори бўлди. Йил бошидан бери қишлоқ хўжалиги сектори 3,6 фоизга ўсди. Бу жуда яхши кўрсаткич. Биз бозорни эркинлаштиришга қарор қилдик. 100 минг гектар қишлоқ хўжалиги ерларини узоқ муддатга лизинга тақдим этдик. Ўзбекистонга чет элдан нақд пул ўтказмалари ўсди ва хизматлар сектори ҳам яхши ўсиб бормоқда. Менимча, булар иқтисодий ўсишимизни таъминловчи асосий омиллар бўлмоқда.Вазирнинг қўшимча қилишича, глобал вазият туфайли валюта бўйича сиёсатни қаттиқлаштириш зарур бўлмоқда.
«Бутун дунёда базавий ставкалар ошиши кузатилмоқда. Кўп инсонлар дунёда иқтисодий ўсиш секинлашиши ва ҳатто тўхтаб қолиши ҳақида гапирмоқда. Ҳозир биз ривожланаётган давлатмиз. Қарз олувчи мамлакатмиз. Валюта бўйича қаттиқроқ сиёсатга ўтишимиз керак бўлмоқда. Хавотирларимиз мавжуд. Долларнинг алмашинув курси ошади дейилмоқда. Нархлар ошиши ва қарз олиш қийинлашиши айтилмоқда. Албатта, биз жаҳон ҳам иқтисодиётининг бир қисмимиз. Бўлаётган жараёнлардан четда қола олмаймиз», – бош вазир ўринбосари
Маълум қилинишича, форумда Жаҳон банки вице-президенти Анна Бжерде, Осиё тараққиёт банки вице-президенти Шиксин Чен, Осиё инфратузилма сармоялари банки вице-президенти Константин Лимитовский ва Халқаро валюта жамғармаси департамент директори Жиҳод Азур каби мартабали меҳмонлар ҳам қатнашмоқда.
Изоҳ (0)