“Shifokorlardan 900 ming, hamshiralardan 210 ming so‘mdan”. Surxondaryoda tibbiyot xodimlari obunaga majburlanayotgani aytilmoqda (audio)

Surxondaryo viloyatining Qumqo‘rg‘on tumanida tibbiyot xodimlari obunaga majburlanayotgani aytilmoqda. Bu haqda “Daryo”ga xabar bergan tuman shifokorlari bundan norozi bo‘lmoqda.

Ikkinchi masala obuna masalasi bo‘lib, har yili bo‘ladigan masala. Har yili siyosiy gazetalarga, tibbiyot jurnallariga obuna bo‘lamiz. O‘shanga bu yil ham obuna bo‘lishimiz kerak. Shunga yanvar oyidan boshlab oyligingizdan kesib-kesib olinadi. Summasidan xabaringiz bor, shifokorlardan 300 mingdan, hamshiralardan 70 mingdan va sanitarkalardan 50 ming so‘mdan ushlab qolinadi. Tushuntiroldimmi? Ba’zi birovlar bir yarim “stavka” ishlayapti, 7-8 million so‘m oylik olyapti. 300 ming so‘m hech narsa bo‘lmaydi. Muammo qilmang, — deydi tahririyatga taqdim qilingan audioyozuvdagi mansabdor.

Yig‘ilishda so‘z olgan mutasaddining aytishicha, tuman tibbiyot birlashmasida barcha bo‘limlar obuna uchun pul yig‘ib bo‘lgan. Faqat markaziy poliklinika xodimlari qolgan, xolos.

Hozir chiqib hamma ariza yozib beradi. Muammo qilmang. Hammada xato-kamchilik bor. Xatongizni bo‘yningizga qo‘yayotganim yo‘q. Indamang, elga kelgan to‘y, ixtiyoriy-majburiy, — deydi mas’ul.

300 ming so‘m edi, 200 ming so‘m edi qanday beraman demang, tushkunlikka tushmang, bu davlat siyosati, muammo qilmangda, bajaring, — deydi mansabdor.