Buxoro viloyatining G‘ijduvon tumanida yigirmadan ortiq erkakka qasddan OITS kasalligini yuqtirgan qiz uch yilga qamaldi. Bu haqda viloyat IIB matbuot xizmati xabar berdi.
Ma’lum qilinishicha, 2002-yilda tug‘ilgan qiz 11-sinfni bitirgach, oilasi bilan kelisholmay qolgan va uydan chiqib ketib, tungi klubdan ish topgan. Ishdan bo‘sh vaqtida esa fohishalik bilan shug‘ullangan.
2021-yilda sog‘lig‘i yomonlashib, tuman kasalxonasiga murojaat qilgan va tegishli tekshiruvlardan so‘ng unda OITS kasalligi borligi aniqlangan. Qiz shu zahotiyoq ro‘yxatga olingan va majburiyatlari haqida tushuntirilgan. O‘zidagi infeksiyani boshqalarga yuqtirsa, Jinoyat kodeksining tegishli moddasi bilan javobgarlikka tortilishi haqida ogohlantirilgan.
Ammo kasalligini yashirgan holda erkaklar bilan jinsiy aloqada bo‘lishda davom etgan. Tergov harakatlari davomida aniqlanishicha, qiz 20 nafardan ortiq erkakka OITS kasalligini qasddan yuqtirgan.
U Jinoyat kodeksining 113-moddasi (tanosil yoki OIV kasalligi/OITSni tarqatish) 4-qismi bilan aybdor deb topilib, uch yilga ozodlikdan mahrum qilingan.
Mavzuga doir:
Izoh (0)