Rossiya mudofaa vaziri Sergey Shoyguning aytishicha, 2022-yilning fevralidan beri NATO Rossiya chegaralari yaqinidagi guruhlarini ikki yarim baravarga – 30 ming kishigacha oshirgan.
Bolgariya, Vengriya, Ruminiya va Slovakiyada yangi ko‘p millatli batalyon taktik guruhlar yaratilmoqda. Guruhlar soni qisqa muddatda yanada ortishi mumkin.Shoyguning aytishicha, Ukraina armiyasi “zamonaviy qurol va o‘q-dorilar bilan to‘ldirilmoqda”, Kiyev esa, o‘z navbatida, “iflos yadroviy bomba” yaratishga urinmoqda va o‘z hududiga NATOning yadro qurolini joylashtirishga tayyor.Alyans oldinga siljish orqali Rossiyani tiyib turishdan sharqiy qanotda, bizning chegaralarimiz yaqinida to‘liq ko‘lamli kollektiv mudofaa tizimini yaratishga o‘tmoqchi, — dedi u.
Rossiya mudofaa vaziri, shuningdek, Ukrainani “to‘qnashuvning taqiqlangan usullari”ni qo‘llashda, jumladan “terakt, yollanma qotillik, tinch aholini og‘ir qurollardan o‘qqa tutish”da aybladi.
NATO Rossiyaning Ukrainaga bostirib kirishidan keyin Sharqiy Yevropada harbiylari soni ortganini va Bolgariya, Vengriya, Ruminiya va Slovakiyada yangi batalon taktik guruhlari yaratilganini yashirmayapti. May oyida sharqiy qanotdagi NATO qo‘shinlari soni yil davomida qariyb 10 baravarga, ya’ni 4650 dan 40 mingga ko‘paygani haqida xabar berilgan edi.
Pentagon bosqin chog‘ida Ukraina chegarasiga joylashtirilgan rus qo‘shinlari sonini 150 ming nafar deb hisoblagan. Harbiy ekspertlar Maykl Kofman va Rob Li, yordamchi qo‘shinlarni hisobga olmaganda, guruh taxminan 80 ming kishidan iboratligini taxmin qilgan. 2022-yilning kuzida Rossiya, rasmiy bayonotlarga ko‘ra, Ukrainadagi urushda qatnashish uchun 300 ming kishini safarbar qildi.
Ukrainadagi urush davomida rus harbiylari tinch aholi punktlarini nishonga olish, shuningdek, tinch aholini qiynoqqa solish va sudsiz o‘ldirishda ayblangan. Rossiya rasmiylari bu ayblovlarni rad etib, ushbu jinoyatlarga oid har qanday dalillarini “sahnalashtirish” deb atamoqda.
Izoh (0)