Nikolayevga yangi hujum, Donbassda kechayotgan janglar. Urushning 251-kunidan fotoreportaj
1-noyabrga o‘tar kechasi rus qo‘shinlari Nikolayevni yana o‘qqa tutdi: shaharda katta vayronagarchilik yuz berdi, bir ayol halok bo‘ldi.
Kreml vakili Dmitriy Peskovning aytishicha, Rossiyada safarbarlikni tugatish bo‘yicha prezident Vladimir Putinning alohida farmoni bo‘lmaydi, chunki uning so‘zlariga ko‘ra, bunday farmonning keragi yo‘q. Ayni paytda, 87 ming safarbar qilingan rossiyalik allaqachon jangovar hududga jo‘natilgan, dedi Rossiya mudofaa vaziri Sergey Shoygu. “Novaya gazeta. Yevropa ” safarbarlik boshlanganidan beri kamida yuz nafar safarbar qilingan odam vafot etganini aniqladi — bu faqat rasman tasdiqlangan holatlar. Rossiyada harbiy xizmatga kuzgi chaqiruv boshlandi. Meduza urushning 251-kuniga oid asosiy fotosuratlar bilan bo‘lishdi.
Okkupatsiya ostidagi Xerson Ukraina Qurolli kuchlarining hujumini kutmoqda
Avval Rossiya admirali Fyodor Ushakovning haykali bo‘lgan poydevor. Oktabr oyining oxirida Xersonning okkupatsion hukumati Ukraina Qurolli kuchlari hujumidan himoya qilish uchun haykalni shahardan olib ketishdi. Ushakov haykali bilan bir qatorda ruslar qo‘mondon Aleksandr Suvorov haykalini demontaj qildi va Yekatrina davri davlat arboblaridan bo‘lgan Grigoriy Potemkinning qoldiqlarini Xersondan ko‘chirdi.Foto: Reuters
“Vibor sdelan. Xerson — Rossiya“ (Tanlov qilindi. Xerson — Rossiya) shiori aks etgan bilbord fonidagi velosipedchi. Sentabr oyi oxirida Xerson viloyatining bosib olingan qismida, shuningdek Zaporojye viloyatining rossiyaliklar tomonidan egallangan qismida hamda Donetsk va Lugansk xalq respublikalarida Rossiya tarkibiga qo‘shilish bo‘yicha referendumlar o‘tkazilgandi. Rossiya tomonidan tayinlangan ma’muriyatga ko‘ra, Xerson viloyatida ovoz berganlarning 87,05 foizi Rossiya tarkibiga qo‘shilishni ma’qullagan.Foto: Reuters
Xersonlik kishi yopiq bar yonidan o‘tmoqda.Foto: Reuters
Xersonning Rossiya tomonidan tayinlangan ma’muriyati aholini paromda “evakuatsiya” qilmoqda. Xersonning rossiyaparast rasmiylari Ukraina qurolli kuchlari shaharga hujum qilishga tayyorlanayotganini aytmoqda.Foto: Reuters
Paromda keksa ayolni yupatayotgan kishi. Xersonliklar Dneprning chap sohiliga, anneksiya qilingan Qrim yaqinidagi hududlarga olib ketilmoqda. Foto: Reuters
Mushuk ko‘targan bola Xersondan “evakuatsiya” qilinayotganlar bilan paromda.Foto: Reuters
Donbass shimolidagi janglar
Severskning bombardimon qilingan ko‘chasida velosiped yetaklab ketayotgan ayol. Shahar urush boshidan buyon Ukraina kuchlari qo‘lida qolmoqda va doimiy ravishda rossiyalik harbiylar tomonidan o‘qqa tutilmoqda.Foto: AFP
Ukraina vertolyoti Donetsk viloyatidagi Svyatogorsk shahri osmonida — iyun oyidan sentabrgacha Rossiya istilosi ostida bo‘lgan shahar 12-sentabr kuni Ukraina Qurolli kuchlari nazoratiga qaytdi.Foto: Reuters
Ukrainaning o‘ziyurar gaubitsasidan nishonga olingan hudud ko‘rinishi. Fotosurat Bahmut yaqinida olingan — shahar uchun shiddatli janglar davom etmoqda. Amerikaning Urushni tadqiq etish instituti so‘nggi ma’lumotlariga ko‘ra, Ukraina qurolli kuchlari Bahmutga hujumlarni muvaffaqiyatli qaytarmoqda va bu Rossiya armiyasini shaharga yurish sur’atini pasaytirishiga majbur qilmoqda.Foto: Anadolu
Rossiya armiyasining Bahmut hududidagi pozitsiyalariga qarata Ukrainaning o‘ziyurar gaubitsasidan o‘t ochilmoqda.Foto: Anadolu
Raketa zarbasidan keyin Bahmut osmoniga tutun ko‘tarilmoqda.Foto: Reuters
Nikolayevga navbatdagi hujum oqibatlari
Qutqaruvchilar xarobalar ostidan ayolning jasadini olib chiqmoqda. 1-noyabr kuni Rossiya qo‘shini Nikolayevni o‘qqa tutdi. Shaharda o‘nlab binolar butkul yoki qisman shikastlangan, bir ayol halok bo‘lgan.Foto: Reuters
Foto: Reuters
Araks nomidagi Birinchi Ukraina gimnaziyasi zarbalardan keyin.Foto: Reuters
Foto: EPA
Nikolayevlik ayol zarbalardan shikastlangan kvartirasini yig‘ishtirmoqda.Foto: EPA
Zarbaga uchragan maktab sinfxonasi.Foto: AFP
Kompyuter texnikalari do‘koni devorida o‘q izlari qolgan Apple logotipi.Foto: Getty Images
Zarbalardan himoyalash maqsadida qum to‘ldirilgan qoplar bilan o‘rab qo‘yilgan yodgorlik atrofida shaxmat o‘ynayotgan nikolayevliklar.Foto: Getty Images
Nikolayev osmoni — elektr energiyasini rejali o‘chirish chog‘ida, Ukraina hukumati Rossiya qo‘shinlarining energetika infratuzilmalarini yoppasiga o‘qqa tutishi oqibatida shunday chora qo‘llashga majbur bo‘lmoqda. Rossiya zarbalariga uchrayotgan Ukraina energiya tizimi yuklamaga dosh bera olishi uchun hududlarda ma’lum vaqt tokni o‘chirishga to‘g‘ri kelmoqda. Foto: EPA
