Россия мудофаа вазири Сергей Шойгунинг айтишича, 2022 йилнинг февралидан бери НАТО Россия чегаралари яқинидаги гуруҳларини икки ярим бараварга – 30 минг кишигача оширган.
Болгария, Венгрия, Руминия ва Словакияда янги кўп миллатли батальон тактик гуруҳлар яратилмоқда. Гуруҳлар сони қисқа муддатда янада ортиши мумкин.Шойгунинг айтишича, Украина армияси «замонавий қурол ва ўқ-дорилар билан тўлдирилмоқда», Киев эса, ўз навбатида, «ифлос ядровий бомба» яратишга уринмоқда ва ўз ҳудудига НАТОнинг ядро қуролини жойлаштиришга тайёр.Альянс олдинга силжиш орқали Россияни тийиб туришдан шарқий қанотда, бизнинг чегараларимиз яқинида тўлиқ кўламли коллектив мудофаа тизимини яратишга ўтмоқчи, — деди у.
Россия мудофаа вазири, шунингдек, Украинани «тўқнашувнинг тақиқланган усуллари»ни қўллашда, жумладан «теракт, ёлланма қотиллик, тинч аҳолини оғир қуроллардан ўққа тутиш»да айблади.
НАТО Россиянинг Украинага бостириб киришидан кейин Шарқий Европада ҳарбийлари сони ортганини ва Болгария, Венгрия, Руминия ва Словакияда янги баталон тактик гуруҳлари яратилганини яширмаяпти. Май ойида шарқий қанотдаги НАТО қўшинлари сони йил давомида қарийб 10 бараварга, яъни 4650 дан 40 мингга кўпайгани ҳақида хабар берилган эди.
Пентагон босқин чоғида Украина чегарасига жойлаштирилган рус қўшинлари сонини 150 минг нафар деб ҳисоблаган. Ҳарбий экспертлар Майкл Кофман ва Роб Ли, ёрдамчи қўшинларни ҳисобга олмаганда, гуруҳ тахминан 80 минг кишидан иборатлигини тахмин қилган. 2022 йилнинг кузида Россия, расмий баёнотларга кўра, Украинадаги урушда қатнашиш учун 300 минг кишини сафарбар қилди.
Украинадаги уруш давомида рус ҳарбийлари тинч аҳоли пунктларини нишонга олиш, шунингдек, тинч аҳолини қийноққа солиш ва судсиз ўлдиришда айбланган. Россия расмийлари бу айбловларни рад этиб, ушбу жиноятларга оид ҳар қандай далилларини «саҳналаштириш» деб атамоқда.
Изоҳ (0)