Rossiya Xavfsizlik Kengashi raisi o‘rinbosari Dmitriy Medvedevning fikricha, G‘arb yadro quroli qo‘llaniladigan jahon urushini qo‘zg‘atmoqda.
Medvedevning yozishicha, agar Ukraina urushda g'alaba qozonsa va Rossiyaning yangi hududlarini tortib olsa, Rossiya atom bombadan foydalanishi mumkin.
"G'arb davlatlarining tezislari: Rossiyaning urushda g'alaba qozonishiga yo'l qo'yib bo'lmaydi: agar Rossiya g'alaba qozonmasa, demak, Ukraina yutadi. Ukrainaning urushdagi maqsadi Kiyev rejimi tomonidan e'lon qilindi - ilgari unga tegishli bo'lgan barcha hududlarni qaytarish.
Bu bizning davlatimizga tahdid bo‘lib, Rossiyaning qulashini bildiradi. Bu holda Rossiya Federatsiyasining yadroviy tiyib turish bo‘yicha davlat siyosati asoslarining 19-bandini qo‘llashimiz mumkin”, — deb yozdi Xavfsizlik kengashi raisi o‘rinbosari Medvedev Telegram’dagi sahifasida.
"Yadroviy tiyib turish bo‘yicha Rossiya Federatsiyasi davlat siyosati asoslari"ning yuqorida aytib o'tilgan bandiga ko'ra, yadroviy bo'lmagan tajovuz agar davlatning mavjudligiga xavf tug'dirsa, Rossiya yadro qurolidan foydalanishi mumkin.
Izoh (0)