“Rossiya qo‘llashi mumkin bo‘lgan ballistik raketalarga qarshi bizda samarali himoya vositasi yo'q” — Ukraina qurolli kuchlari vakili

Ukraina Qurolli kuchlari Rossiya qo‘shinlari Ukrainaning shimoliy chegarasida Eronda ishlab chiqarilgan ballistik raketalarni joylashtirishi mumkinligiga ishonmoqda. Bu haqda Ukraina Qurolli kuchlari Harbiy-havo kuchlari spikeri Yuriy Ignat ma’lum qildi, deb yozdi “Ukraina haqiqati”.

“Biz ushbu raketalarga qarshi barcha himoya vositalarini qo‘llashga harakat qilamiz. Ular, ehtimol, Ukrainaning shimoliy chegarasiga olib kelinadi, u yerdan butun Ukrainaga tahdid soladigan tarzda ishga tushirilishi mumkin.

Bitta raketa 300 kilometr masofaga, yana biri - 700 kilometr masofagacha uchib, zarba yo‘llashga qodir. Bu ballistik raketalar. Bizda bu raketalarga qarshi samarali himoya vositasi yo‘q”, — dedi Harbiy havo kuchlari vakili.

Uning so‘zlariga ko‘ra, bunday raketalarni urib tushirish “nazariy jihatdan mumkin, lekin aslida buni amalga oshirish juda qiyin”.