Shvetsiya Qurolli kuchlari qo‘mondoni mamlakatda yadro quroli joylashtirilishiga e’tiroz bildirmasligini ma'lum qildi

Shvetsiya Qurolli kuchlari bosh qo‘mondoni Mikael Byuden hukumatga mamlakat NATOga a’zo bo‘lgunga qadar hech qanday shartlar qo‘ymaslikni, jumladan, Shvetsiya hududida yadro qurolini joylashtirish bo‘yicha hech qanday cheklovlar o‘rnatmaslikni tavsiya qilmoqda, deb xabar berdi “Radio Sweden”.

Ma'lum qilinishicha, seshanba kuni bo'lib o'tgan matbuot anjumanida Byudendan Shvetsiya NATOga qo'shilgan taqdirda yadroviy qurolni mamlakat hudidiga joylashtirish g'oyasi haqida so'ralgan.

Shvetsiya Qurolli Kuchlari Bosh qo'mondoni NATOga "shart qo‘yib" qo'shilishni istamasligini aytgan.