Россия Хавфсизлик Кенгаши раиси ўринбосари Дмитрий Медведевнинг фикрича, Ғарб ядро қуроли қўлланиладиган жаҳон урушини қўзғатмоқда.
Медведевнинг ёзишича, агар Украина урушда ғалаба қозонса ва Россиянинг янги ҳудудларини тортиб олса, Россия атом бомбадан фойдаланиши мумкин.
"Ғарб давлатларининг тезислари: Россиянинг урушда ғалаба қозонишига йўл қўйиб бўлмайди: агар Россия ғалаба қозонмаса, демак, Украина ютади. Украинанинг урушдаги мақсади Киев режими томонидан эълон қилинди - илгари унга тегишли бўлган барча ҳудудларни қайтариш.
Бу бизнинг давлатимизга таҳдид бўлиб, Россиянинг қулашини билдиради. Бу ҳолда Россия Федерациясининг ядровий тийиб туриш бўйича давлат сиёсати асосларининг 19-бандини қўллашимиз мумкин», — деб ёзди Хавфсизлик кенгаши раиси ўринбосари Медведев Telegram’даги саҳифасида.
"Ядровий тийиб туриш бўйича Россия Федерацияси давлат сиёсати асослари"нинг юқорида айтиб ўтилган бандига кўра, ядровий бўлмаган тажовуз агар давлатнинг мавжудлигига хавф туғдирса, Россия ядро қуролидан фойдаланиши мумкин.
Изоҳ (0)