“Peshona teri bilan qiyinroq ekan”. Davron Kabulov qurayotgan mehmonxona qachon ishga tushadi?

Xalqlar do‘stligi saroyida 20-30-oktabr kunlari “Million” kulgi jamoasining yangi konsert dasturi bo‘lib o‘tdi.

“Million” jamoasi yangi konsert dasturida “QVZ” ko‘rik tanlovidagi eng qiyin yo‘nalish, ya’ni “Savol-javob” shartini dasturga qo‘shdi.

Bu shartda “Million”chilar muxlislar bilan bevosita muloqotda bo‘lib, ularning kutilmagan va qiziq savollariga sahnadan turib kulguli javoblarni yo‘llashdi.

Muxlislar tomonidan aynan “Million” jamoasi sardori Davron Kabulov uchun maxus savol yo‘llandi.

Savolning qisaqacha mazmuni shunday edi. Juda katta maydonda joylashgan Tashkent City’ni 3 yilda, Magic City’ni esa 2 yilda bitirib oldik, ammo hali ham Davron Kabulovning mehmonxonasi qurib topshirilmadi. Qachon mehmonxona ishga tushadi?

Davron Kabulov ushbu qiziq savolga, “Peshona teri bilan qiyinroq ekan”, deya javob berdi.

Davron Kabulov “Daryo” muxbiri Feruz Muhammadga bergan qisqa intervyusida, mehmonxonaning foydalanishga topshirilishi nima sababdan kechikayotganiga oydinlik kiritdi.

Meni ortimda bir million yoki ikki million dollar bilan turgan investor, sarmoyador yo‘q.

Men qo‘limdan kelganicha, imkoniyatim darajasida, keyin “mehmonxona bitsa boyib ketaman”, degan fikr bilan emas, balki, o‘n besh yildan buyon orzu qilib kelayotganim, Toshkentda talabga javob beradigan, butik, otel ko‘rinishidagi mehmonxonani foydalanishga topshirishni niyat qilib, harakatlanyapman. Xudo xohlasa foydalanishga topshirish arafasidamiz.

Olti oydan buyon, “bir oy yoki bir yarim oylik ishi qoldi”, deb harakat qilyapmiz. Hozir 2 metrlik hojatxonani qurish qanchalar qiyin. Shu jihatdan men ham qodir qilganicha, qo‘limdan kelganicha harakat qilyapman. Xudo xohlasa mehmonxonamiz juda yaxshi, shinam mehmonxona bo‘lmoqda.

Davron Kabulov, “Million” jamoasi sardori, shoumen