Uels malikasi Diana qimmatbaho dizaynerlik kiyimlarini yaxshi ko‘rardi, lekin u shaxsiy sabablar tufayli ko‘rishni ham istamagan mashhur brend ham bor.
Shahzoda Charlz bilan og‘ir ajralishdan so‘ng, Diana Chanel liboslarida boshqa ko‘rinmadi. Bunga javob izlash uchun Majesty jurnali muharriri Ingrid Syuard “Malika Diana va shahzoda Charlz o‘rtasida aslida nima bo‘lgan?” nomli hujjatli film suratga oladi. Syuardning so‘zlariga ko‘ra, Uels malikasi erining Kamilla Parker Boulz bilan yashirin munosabati haqida to‘y kuniyoq bilgan va qattiq tushkunlikka tushgan.
Diana ko‘z yoshlari bilan erining oldiga bordi va undan nima bo‘layotganini aytishini talab qildi. Ammo Charlz shu qadar befarq ediki, u zargarlik buyumlarini Kamillaga berishi lozimligini aytdi, xolos, — deya Arbiter so‘zlarini keltiradi Britaniyaning Express tabloidi.Bundan tashqari, asal oyi davomida Charlz uyalmasdan, Kamilla tomonidan unga sovg‘a qilingan, brend logotipi — kesishgan ikkita C harfi tushirilgan Chanel zaponkalarini taqib yurgan. Turmush o‘rtog‘ining bunday xatti-harakati Uels malikasini qattiq xafa qilgan. Keyinchalik u bosh xizmatkor Pol Barrelni poyabzali va Chanel sumkalaridagi barcha C harflarini (Kamillaning ismi ingliz tilida — Camilla) olib tashlashga majbur qiladi. Barrell bu haqda hujjatli filmda shunday deydi.
U o‘zi nafratlangan C harflarini ko‘rarga ko‘zi yo‘q edi.
Bu haqiqatni avstraliyalik dizayner Jeyson Brand ham tasdiqlaydi, u 1996-yilda Diana Chanel liboslaridan butunlay voz kechganiga guvoh bo‘lgan. Uchrashuvlarning birida u Dianaga Chanel tuflisini kiyib ko‘rishni taklif qiladi, lekin malika unga C harfi bo‘lgan hech narsa kiymasligini aytadi.
O‘sha paytda Diana eri bilan ajrashayotgan edi va Charlz 1994-yilda omma oldida tan olgan xiyonati haqida eslamaslikka harakat qilardi. Ikki farzand dunyoga kelgan 15 yillik nikoh hammaning ko‘z o‘ngida barbod bo‘ladi. Rasmiy ajralishdan bir yil o‘tgach esa Uels malikasi Parij yaqinidagi avtohalokatda fojiali ravishda vafot etadi.
Izoh (0)