Kinotavsiya: Kuchli va mustaqil rahbar ayollar haqidagi ajoyib filmlar (video)
Bugungi kunda kuchli va mustaqil ayollar mas’uliyatli rahbarlik lavozimlarida tobora ko‘proq ishlamoqda. Muvaffaqiyatli va shunday ideal ishbilarmon ayollarning haqiqiy hayotini ochib beruvchi ajoyib filmlar bilan tanishing.
“Qattiqqo‘l xonim” (2006)
Kartina o‘n yil oldin suratga olingani sababli ma’lum ma’noda klassikaga aylangan. “Oskar” mukofotiga sazovor bo‘lgan amerikalik aktrisa Meril Strip obrazi esa shunchaki betakror. Miranda Pristli nufuzli Podium moda jurnalining bosh muharriri, qat'iy va murosasiz xonim, u bilan hech kim bahslashishga jur’at eta olmaydi. U o‘z xodimlariga juda talabchan, ular xato qilishi mumkin emas. Ammo nashriyotga yosh qiz Andrea keladi, u tasodifan Miranda Pristli hayotining boshqa tomonini ko‘radi. Darhaqiqat, qat’iy va talabchan xo‘jayinning har qanday obrazi ortida zaif tomonlari va kundalik muammolari bilan oddiy odam turadi.
“Ishdagi ishq” (1977)
Eldar Ryazanovning lirik kinokomediyasi tomoshabinlar tomonidan sevib ko‘rilgani sababli ham undagi iboralar ommalashib ketgan. Sujet oddiy sovet xodimi Novoseltsevning eski tanishi tashlagan sarguzashtli g‘oyaga bog‘langan. U lavozimga ko‘tarilish uchun hiyla-nayrang qilishni taklif qiladi, ya’ni: turmushga chiqmagan rahbari bilan oshiq-ma’shuq bo‘lish . “Kampir” laqabli Lyudmila Prokofyevna bir qarashda, romantikaning har qanday ko‘rinishlariga begona bo‘lgan qat'iy, talabchan rahbar. Ammo haqiqiy his-tuyg‘ular hatto shunday qo‘pol, erkakshoda xo‘jayinda ham haqiqiy ayolni uyg‘otishi mumkin.
“Katta xo‘jayin” (2016)
Quvnoq, g‘ayratli va kulgili film. Mellisa Makkartining qahramoni muvaffaqiyatli ishbilarmon ayol, lekin to‘satdan uning kompaniyasi muvaffaqiyatsizlikka uchraydi va o‘zi esa moliyaviy firibgarlikda ayblanib qamoqqa tushadi. Ozodlikka chiqqandan so‘ng, u biznes bilan shug‘ullanishni va yana hurmat qozonishni xohlashini tushunadi. Sobiq xodimining mehribonligi tufayli u keyinchalik hayotiga katta ta'sir ko‘rsatadigan oilaga ega bo‘ladi. Bu yengil kulgili komediya juda oddiy, ammo shunday muhim g‘oyani o‘z ichiga oladi: har qanday vaziyatda ham hech qachon taslim bo‘lmaslik kerak.
“Temir xonim” (2011)
Meril Strip o‘ynagan kuchli ayol haqidagi yana bir film. Film siyosat ayolning ishi emasligi haqidagi buzg‘unchi ijtimoiy stereotiplarni yo‘q qilishga muvaffaq bo‘lgan afsonaviy ayolning ilhomlantiruvchi hayotini hikoya qiladi. Margaret Tetcher nafaqat hokimiyatni, balki butun xalqning mehrini qozonib, Buyuk Britaniya bosh vaziri lavozimini egallashga muvaffaq bo‘lgan birinchi ayol hisoblanadi. Meril Stripning ushbu filmdagi aktyorlik ishi ham oddiy tomoshabinlar, ham professional tanqidchilar tomonidan yuqori baholanib, aktrisaga eng yaxshi aktrisa nominatsiyasida nufuzli jahon kinomukofotlari, jumladan: “Oskar” va “Oltin globus” haykalchalari, shuningdek, Britaniya akademiyasi, Aktyorlar gildiyasining mukofotlarini olib kelgan.
“Stajyor” (2015)
Juls Ostin yosh bo‘lishiga qaramay, jiddiy ishbilarmon ayol. U onlayn savdo bilan shug‘ullanadigan kompaniyani boshqaradi va bu qiyin vazifani juda muvaffaqiyatli hal qiladi. Uning biznesi jadal rivojlanmoqda va rahbariyat kundalik yumushlarda yordam berish uchun bir nechta stajyorlarni yollashga qaror qiladi. Tez rivojlanayotgan kompaniyaga ixtiyoriy ravishda kelganlardan biri yetmish yoshli Ben. Optimist pensioner ishlashga va yangi narsalarni o‘rganishni xohlaydi. Juls va Ben o‘rtasida kutilmaganda ishonchli do‘stlik o‘rnatiladi va bu ularning har biriga muhim narsalarni o‘rgatadi.
“U buni qanday qilishini bilmayman” (2011)
Zamonaviy dunyoda ayol uchun hamma narsaga ulgurish oson emas: doim yaxshi kayfiyatda bo‘lish, bolalarni tarbiyalash, oila farovonligini ta’minlash va eriga doim e’tiborli bo‘lish. Biz shunga qaramay, barcha quyonlarga ergashishga muvaffaq bo‘lgan bunday ayollarga hayrat bilan qaraymiz. Sara Jessika Parker qahramoni — fond menejeri va ikki farzandning onasi uzoq vaqt davomida aqbovar qilmaydigan tarzda karyera va oilani uyg‘unlashtirishga muvaffaq bo‘ladi. Ammo bularning hammasiga vaqt yetmaydi, ba’zida qat’iy talablar qo‘yish kerak. Ehtimol, hatto qurbonlik qilish ham mumkin. Bosh qahramon ish va oila o‘rtasidagi muvozanatni topishi lozim.
