Халқлар дўстлиги саройида 20-30 октябрь кунлари «Миллион» кулги жамоасининг янги концерт дастури бўлиб ўтди.
«Миллион» жамоаси янги концерт дастурида «ҚВЗ» кўрик танловидаги энг қийин йўналиш, яъни «Савол-жавоб» шартини дастурга қўшди.
Бу шартда «Миллион»чилар мухлислар билан бевосита мулоқотда бўлиб, уларнинг кутилмаган ва қизиқ саволларига саҳнадан туриб кулгули жавобларни йўллашди.
Мухлислар томонидан айнан «Миллион» жамоаси сардори Даврон Кабулов учун махус савол йўлланди.
Саволнинг қисақача мазмуни шундай эди. Жуда катта майдонда жойлашган Tashkent City’ни 3 йилда, Magic City’ни эса 2 йилда битириб олдик, аммо ҳали ҳам Даврон Кабуловнинг меҳмонхонаси қуриб топширилмади. Қачон меҳмонхона ишга тушади?
Даврон Кабулов ушбу қизиқ саволга, «Пешона тери билан қийинроқ экан», дея жавоб берди.
Даврон Кабулов «Дарё» мухбири Феруз Муҳаммадга берган қисқа интервьюсида, меҳмонхонанинг фойдаланишга топширилиши нима сабабдан кечикаётганига ойдинлик киритди.
Мени ортимда бир миллион ёки икки миллион доллар билан турган инвестор, сармоядор йўқ.Мен қўлимдан келганича, имкониятим даражасида, кейин «меҳмонхона бица бойиб кетаман», деган фикр билан эмас, балки, ўн беш йилдан буён орзу қилиб келаётганим, Тошкентда талабга жавоб берадиган, бутик, отел кўринишидаги меҳмонхонани фойдаланишга топширишни ният қилиб, ҳаракатланяпман. Худо хоҳласа фойдаланишга топшириш арафасидамиз.
Олти ойдан буён, «бир ой ёки бир ярим ойлик иши қолди», деб ҳаракат қиляпмиз. Ҳозир 2 метрлик ҳожатхонани қуриш қанчалар қийин. Шу жиҳатдан мен ҳам қодир қилганича, қўлимдан келганича ҳаракат қиляпман. Худо хоҳласа меҳмонхонамиз жуда яхши, шинам меҳмонхона бўлмоқда.
Даврон Кабулов, «Миллион» жамоаси сардори, шоумен
Мавзуга доир:
Изоҳ (0)