Davlat ekologiya qo‘mitasi tasarrufidagi “Surxon” davlat qo‘riqxonasida doimiy muhofazaga olingan kakliklar qo‘riqxona fotoqopqonlari obyektiviga muhrlandi. Bu haqda Ekoqo‘mita axborot xizmati xabar qildi.
Qayd etilishicha, kakliklar juda hushyor va tog‘larda ham yashashga yaxshi moslashgan. Ular, asosan, may oyining ikkinchi yarmidan boshlab tuxum qo‘ya boshlaydi, uyasini toshlar, butalar, o‘tlar ostiga quradi. Jo‘jasi tuxumdan 20 kunda chiqadi va shu kuniyoq onasiga ergashib yura oladi. O‘simliklarning kurtagi, barglari, don va urug‘lari, hasharotlar, ularning lichinkalari bilan oziqlanadi.
Ushbu tasvirda uchishni yaxshi o‘rganib, katta kakliklar yoniga qo‘shilgan bu yilgi jo‘jalarni ko‘rish mumkin.
Izoh (0)