“Neymar ishi” yakunlandi. Futbolchi va voqeaga aloqador barcha shaxslar oqlandi

Neymarning “Santos”dan “Barselona”ga o‘tishi bilan bog‘liq korrupsiya ayblovlari olib tashlandi.

Prokuratura “PSJ” hujumchisi va kelishuvga aloqador barcha shaxslarni oqladi.

DIS investitsiya kompaniyasi Neymar, uning oilasi, “Barselona” sobiq prezidentlari Xosep Bartomeu va Sandro Rosel, shuningdek, “Santos” sport direktori Odilio Rodrigesni sudga bergandi.

Da’vogar Neymarga 5 yil qamoq jazosi va tovon puli sifatida 150 million yevro so‘ragan.

Prokuror barcha aylanuvchilarning sudda so‘zlagan nutqidan so‘ng “biror jinoyatga hatto ishora ham yo‘qligini” ta’kidlagan. U barcha ayblanuvchilarning oqlanishini so‘ragan.

DIS 2009-yilda, Neymarning “Santos”dagi faoliyati boshida 40% transfer huquqiga ega bo‘lgan. Kompaniya braziliyalik futbolchining “Barselona”ga o‘tishidan tushgan mablag‘ni olmaganini ta’kidlagan edi.