Namanganda “O‘zbekiston Qahramonlari” kitob-albomining taqdimoti bo‘lib o‘tdi

Namanganda “Yangi O‘zbekistonda el aziz, inson aziz!” shiori ostida o‘tkazilayotgan madaniy-ma’rifiy tadbirlar doirasida “O‘zbekiston Qahramonlari” kitob-albomining taqdimoti bo‘lib o‘tdi. Bu haqda “Daryo” muxbiri Azizbek Abduvaliyev xabar bermoqda.

Tadbirda O‘zbekiston Qahramonlari va ularning oila a’zolari, jamoatchilik vakillari, ziyolilar va yoshlar ishtirok etdi.

Unda so‘z olgan Respublika Ma’naviyat va ma’rifat markazi rahbari Minhojiddin Mirzo mazkur kitob-albom haqida batafsil gapirib berdi.

Markaz tashabbusi bilan “Ma’rifat” targ‘ibotchilar jamiyati hamkorligida chop etilgan to‘plamda “O‘zbekiston Qahramoni” unvoni hamda “Oltin Yulduz” medali bilan taqdirlangan 103 nafar o‘zbekistonlikning hayoti va faoliyati haqida hikoya qilinadi. Ular orasida Said Ahmad, Ozod Sharafiddinov, Suyima G‘aniyeva, Zikir Muhammadjonov, Lola Murodova kabi taniqli siymolar bor.

Tadbirda namanganlik O‘zbekiston Qahramonlariga kitob-albom va esdalik sovg‘alari topshirildi.

Shuningdek, Namangan viloyatini turli yillar davomida boshqargan Botirali Hakimov, Ikromxon Najmiddinov va Bahodir Yusupov ham sahnaga taklif etilib, ularning samarali mehnatlari e’tirof etildi.

“O‘zbek ayoli nimalarga qodirligini namoyon etib ketdi” — Tanzila Norboyeva O‘zbekiston qahramoni Lolaxon Murodovaning vafoti haqida

“U yaratgan katta maktabni shogirdlari, yoshlarimiz, albatta, munosib davom ettiradi” — Shavkat Mirziyoyev 64 yoshida vafot etgan O‘zbekiston Qahramoni haqida