Texnikum va kollej o‘quvchilariga to‘lov-shartnoma berish raqamlashtirildi

O‘zbekistonda texnikum va kollej o‘quvchilariga to‘lov-shartnoma berish raqamlashtirildi. Bu haqda Oliy va o‘rta maxsus ta’lim vazirligi ma’lum qildi.

Qayd etilishicha, vazirlik tizimida barcha jarayonlar raqamlashtirilib, abituriyentlar va talabalarga qulay sharoitlar yaratilmoqda. 2022-yilda Davlat test markazining maxsus platformasidan kunduzgi, sirtqi, kechki hamda dual ta’lim shakli bo‘yicha ro‘yxatdan o‘tgan va birinchi bosqichga tavsiya etilgan texnikum va kollej o‘quvchilariga to‘lov-shartnoma berish jarayoni to‘liq raqamlashtirildi.

Endi o‘quvchilar to‘lov-shartnomalarni elektron shaklda ortiqcha ovoragarchiliklarsiz onlayn olishlari mumkin. Buning uchun vazirlikning prof-kontrakt.edu.uz platformasidan foydalangan holda shartnomani yuklab olish talab etiladi.

Mavzuga doir: 

• Kollej va texnikumlarda kontrakt miqdori oshmaydi — Oliy ta’lim vazirligi
• Kollej va texnikumlarning kunduzgi bo‘lmagan shakllari uchun test sinovlari o‘tkazilmaydi — DTM