O‘zbekistonda qorovullik xizmatlari huquqbuzarlik haqidagi xabarlar uchun moddiy rag‘batlantiriladi

Vazirlar Mahkamasi qarori bilan Davlat organlari va tashkilotlari idoraviy qorovullik bo‘linmalarining huquqbuzarlik va hodisalar yuzasidan ichki ishlar organlari va Milliy gvardiyasi bo‘linmalarini xabardor qilish hamda o‘zaro hamkorlik qilish tartibi haqidagi nizom tasdiqlandi.

Qorovullik bo‘linmalari davlat organlari va tashkilotlarida jinoyatlar, huquqbuzarliklar, shubha uyg‘otuvchi va qidiruvdagi shaxslar, avariyalar, yong‘inlar, halokatlar va boshqa noxush holatlar aniqlanganda:

• darhol hududiy ichki ishlar organining navbatchilik qismiga xabar beradi;
• ichki ishlar organlari yoki Milliy gvardiya xodimlari yetib kelgunga qadar huquqbuzarlik va hodisalarning izlari saqlanishini ta’minlaydi;
• ichki ishlar organlari yoki Milliy gvardiya xodimlariga hodisa yuzasidan axborot beradi;
• tabiiy va texnogen xususiyatli favqulodda vaziyatlar oqibatlarini bartaraf qilishda ishtirok etadi, odamlarni evakuatsiya qilishda yordam ko‘rsatadi.

Hujjat qonun hujjatlari milliy ma’lumotlar bazasida e’lon qilingan va kuchga kirgan.