Ijtimoiy tarmoqlarda Samarqand viloyati Urgut tumanidagi 4-maktabda o‘qituvchi va o‘quvchi o‘rtasida janjal yuz bergani haqida xabar tarqaldi. Tuman hokimligi holat yuzasidan munosabat bildirdi.
Xabar bo‘yicha tuman xalq ta’limi bo‘limi tomonidan xizmat tekshiruvi o‘tkazilgan. Aniqlanishicha, holat tumandagi 4-umumta’lim maktabida 12-oktabr kuni soat 9:55 atrofida sodir bo‘lgan. O‘rganishlarga ko‘ra, darsga kirmay yurgan o‘quvchi J.A. o‘qituvchi A.S. tomonidan darsga jalb qilinish jarayonida o‘quvchi J.A. haqoratli so‘zlar aytgan. Haqoratlarga chiday olmagan o‘qituvchi o‘quvchiga tarsaki tushirgan.
Ushbu holat bo‘yicha (bo‘lib o‘tgan voqea va o‘quvchini tartibga chaqirish yuzasidan) o‘qituvchi maktab direktori va maktab psixologiga murojaat qilgan. Maktab o‘qituvchilari, IIB vakili ishtirokida jarayonlar direktor raisligida muhokama qilinib, odob-axloq qoidalariga rioya qilmagani uchun o‘qituvchiga ta’lim muassasasi rahbari tomonidan tanbeh berilgan. O‘qituvchi haqoratlarni eshitib, aybdor bo‘lgani uchun ishdan bo‘shashi to‘g‘risida o‘z xohishiga ko‘ra ariza yozgan.
Xizmat tekshiruvi jarayonida 4-umumta’lim maktabi o‘qituvchisi A.S. o‘z xatti-harakatlari bilan 2022-yil 28-iyulda xalq ta’lim vazirining 246-sonli buyrug‘i bilan tasdiqlangan, umumiy o‘rta ta’lim muassasalarining ichki tartib va odob-axloq qoidalariga rioya qilmagani aniqlangan.
O‘qituvchi A.S.ning homiladorligi sababli O‘zbekiston mehnat kodeksining 100-moddasiga ko‘ra, xodim vaqtincha mehnatga qobiliyatsizlik davrida va mehnat to‘g‘risidagi qonun hujjatlari va boshqa normativ hujjatlarda nazarda tutilgan ta’tillarda bo‘lgan davrida mehnat shartnomasini ish beruvchining tashabbusi bilan bekor qilishga yo‘l qo‘yilmaslik tushuntirilgan.
Ammo o‘qituvchiga o‘z arizasiga ko‘ra ishdan bo‘shagan. Hozirda har ikkala shaxsning ruhiy holati mutaxassislar nazoratiga olingan.
Mavzuga doir: Samarqandda o‘quvchini urgan direktorga nisbatan jinoyat ishi qo‘zg‘atildi
Izoh (0)