Bloomberg агентлигининг мамлакат Молия вазирлиги маълумотларига асосланган ҳисоб-китобларига кўра, жорий йилнинг тўққиз ойида Хитой бюджети тақчиллиги 7,16 триллион юанга (980 миллиард доллар) етди.
Бу натижа тўққиз ойлик давр учун мутлақ рекорд бўлиб, ўтган йилнинг шу даврига нисбатан Хитой иқтисодиёти тақчиллигидан уч баравар кўпдир.
Хитой иқтисодиётининг бундай кескин ёмонлашувининг асосий сабаблари мамлакатнинг йирик шаҳарларида блокировкаларни келтириб чиқарадиган COVID-19 нинг такрорий авж олиши, шунингдек, уй-жой бозорида нархларнинг пасайиши бўлди.
Шу билан бирга, мамлакатда имтиёзли кредитлаш ва муддатларни кечиктиришни ўз ичига олган кўплаб иқтисодий рағбатлантириш дастурлари ўз фаолиятини давом эттирмоқда.
Биринчи тўққиз ойда бюджет даромадлари 19,9 триллион юанни ташкил этди, бу ўтган йилга нисбатан 6,6 фоизга камайди.
Шундай қилиб, кўчмас мулкни сотиб олиш/сотишдан солиқ тушумлари 27,1 фоизга, фуқаролар томонидан автотранспорт воситаларини сотиб олишдан эса 31 фоизга камайди.
Таълим, соғлиқни сақлаш, мудофаа ва илмий тадқиқотларни қамраб олувчи давлат харажатлари 6,2 фоизга ошиб, 27,1 триллион юанга етди.
Изоҳ (0)