Украина футбол ассоциацияси (УФА) ФИФА ва УЕФАдан Россияни аъзолар рўйхатидан чиқаришни сўрамоқчи.
Бу ҳақда УФА раҳбари Андрей Павелко маълум қилди. Ташкилот раҳбари аннексия бўлган ҳудудлардаги футбол клублари Россия мусобақаларида иштирок этиши ҳақидаги қарорга шу тариқа муносабат билдирган.
УФА дарҳол Россияга нисбатан энг қатъий санкцияларни қўллашни сўраб, ФИФА ва УЕФАга мурожаат қилади. Биз Россия УЕФА ва ФИФА аъзолигидан четлатилишини талаб қиламиз, — дея ёзади Павленко.Аввалроқ Севастопол губернатори Михаил Развожаев Қрим ва Севастопол клублари Россия биринчиликларида ўйнашга рухсат олгани ҳақида маълум қилганди.
ФИФА ва УЕФА Россияни аъзоликдан чиқариб ташлаган тақдирда терма жамоа ўртоқлик ўйинлари ўтказа олмайди, рус клублари эса халқаро трансфер тизимидан чиқариб юборилади ва клублардаги барча футболчилар шартномани бир томонлама бекор қилиш ҳуқуқига эга бўлади. Шунингдек, Россия ФИФА ҳамда УЕФА томонидан футбол ривожи учун ажратиладиган ёрдам пулларидан қуруқ қолади.
Изоҳ (0)