2022-yilning yanvar—sentabr oylarida O‘zbekistonda sog‘liqni saqlash sohasini rivojlantirish bo‘yicha o‘zlashtirilayotgan investitsiyalar natijasida 1629 o‘ringa mo‘ljallangan kasalxonalar ishga tushirilgan. Bu haqda Davlat statistika qo‘mitasi xabar qildi.
Qayd etilishicha, ulardan 879 o‘ringa mo‘ljallangan muassasalar qishloq joylarda faoliyat yuritmoqda.
Joriy yilning yanvar—sentabr oylarida jami smenada 3425 ta qatnovga mo‘ljallangan ambulator-poliklinikalar ishga tushirilgan. Shundan smenada 1625 ta qatnovga mo‘ljallangan muassasalar qishloq joylarda qurilgan.
Ma’lumot o‘rnida, 2022-yilning 9 oyda oylarida respublikada ishga tushirilgan:
- suv tarmog‘i – 1756,7 kilometr (83,2 foizi qishloq joylarda);
- gaz tarmog‘i – 33,4 kilometr (57,2 foizi qishloq joylarda).
Izoh (0)