Qoraqalpog‘iston rahbari Amanbay O‘rinbayev Chimboydagi yosh kelin-kuyov to‘yida qatnashdi, deya xabar berdi “Daryo” muxbiri.
Ma’lum bo‘lishicha, chimboylik Sultanbek va Malikaning turmush qurganiga to‘rt yil bo‘lgan. Biroq oilaviy sharoit sabab ular nikoh to‘ylarini o‘tkazolmagan.
“Yoshlar daftari”ga kiritilgan kelin-kuyovning to‘ylari bo‘lib o‘tdi. To‘yga Jo‘qorg‘i Kengesi raisi Amanbay O‘rinbayev ham keldi. Qoraqalpog‘iston rahbari yoshlarni tabriklab, ularga Prezident sovg‘alarini topshirdi, — deydi “Daryo” muxbiri bilan suhbatlashgan mas’ullardan biri.
Qo‘shimcha qilinishicha, senator Alisher Sa’dullayev esa to‘y egalari bilan jonli muloqot o‘tkazib, kelin-kuyovga sayohat uchun Samarqandga bir haftalik yo‘llanma bergan.
Izoh (0)