O‘zbekistonga keluvchi turistlar sonini 7,3 mln nafarga yetkazish rejalashtirilmoqda

O‘zbekistonga keluvchi xorijiy turistlar sonini 2023-yilda 7,3 million nafarga yetkazish rejalashtirilmoqda. Bu haqda Turizm va madaniy meros vaziri Aziz Abduhakimov Samarqandda Discovering Uzbekistan II xalqaro turistik konferensiyasida aytib o‘tdi.

“O‘zbekistonning turizm sanoati mahalliy hamda xorijiy sayyohlarga xizmat ko‘rsatishga tayyor. Biz kelgusi yil xorijiy turistlar sonini 7,3 million va mahalliy sayyohlar sonini 12 mln nafarga yetkazishni rejalashtirganmiz”, — degan vazir.

Uning qayd etishicha, rejalarni amalga oshirishda avvalo transport-logistika sohasida yaratilgan qulay imkoniyatlardan samarali foydalanish zarur.

Ma’lumot uchun, sentabrgacha bo‘lgan davrda O‘zbekistonga kelgan xorijiy turistlar soni 2021-yilga nisbatan 3 baravarga ko‘paydi va 3,1 million nafarni tashkil etdi. Ichki sayohat qiluvchilar soni ham o‘tgan yilga nisbatan 3,5 baravarga o‘sib, 7,5 million nafarni tashkil qilgan.

Mavzuga doir:

• O‘zbekiston va BAA hamkorlikda turizm hamda mehmonxona tarmoqlarini rivojlantirish bo‘yicha mutaxassislar tayyorlaydi
• Xorijliklar O‘zbekistonga eng ko‘p qanday maqsadlarda kelayotgani aniqlandi