Namangan viloyati Pop tumanida 1,2 milliard so‘m imtiyozli kredit mablag‘ini o‘zlashtirishgan MCHJ rahbari aniqlandi. Bu haqda Iqtisodiy jinoyatlarga qarshi kurashish departamenti xabar berdi.
Bosh prokuratura huzuridagi departamentning Pop tumani bo‘limi tomonidan tergovga qadar tekshiruv o‘tkazilgan. Unda “A-P.” MCHJ rahbari A.T. turmush o‘rtog‘i S. nomiga tashkil etilgan “O.S.” MCHJga bank filialidan ajratilgan 1 milliard so‘m hamda “A-P.” MCHJga ajratilgan 200 million so‘m imtiyozli kredit evaziga xarid qilingan tibbiy dastgohlar va ishlab chiqarish uskunasini boshqa shaxslarga sotib yuborgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)