Qashqadaryoda o‘zi istagan klaster bilan hamkorlik qilishni boshlagan nishonlik fermer yangi traktorli bo‘ldi. Bu haqda “Daryo”ning mobil muxbiri xabar berdi.
Ma’lum bo‘lishicha, Nishon tumanidagi “Bahor ko‘zgusi” fermer xo‘jaligi rahbari Bekzod Karimov Qarshi shahrida faoliyat yurituvchi paxtachilik klasteri bilan hamkorlikni boshlagach, ko‘p o‘tmay yangi traktorli bo‘lgan.
Prezidentimiz topshirig‘iga ko‘ra, klasterlar tashkil etilgach biz ular bilan hamkorlikni boshladik. Avvalgiga nisbatan bu tizim juda yaxshi bo‘ldi. Lekin fermer qaysi hududda ishlashidan qat’i nazar, xohlagan paxtachilik klasteri bilan hamkorlik qilishga yo‘l qo‘yib berilgani menga chinakamiga baxt olib keldi, — deydi fermer bugungi muvaffaqiyatlari haqida gapirar ekan.Balki, ishonmassiz, ammo men Qarshi shahrida faoliyat yurituvchi paxtachilik klasteri bilan hamkorlikni boshlaboq, yangi tarktorli bo‘ldim. Pulimni yil yakunlanmay tiyinigacha sanab oldim. Bu holat shaxsan menga boshqacha kayfiyat berdi — deydi nishonlik fermer.
Joriy mavsumda 35 gektar yerga chigit ekib, yaxshi hosil oldim. Hosilimni Sulton tex group klasteriga sotdim. Hosilni berib, pulini shu kuni sanab oldim. Qo‘shimchasiga yangi MTZ-80 traktorini ham oldim, — deydi fermer.Sulton tex group korxonasi rahbari Nurbek Ergashevning aytishicha, prezident topshirig‘i endi natija ko‘rsatmoqda.
Prezidentimiz topshirig‘i bilan fermerlarga istalgan hududidagi klaster bilan hamkorlik qilish huquqi berilishi fermerga erkinlik berish barobarida uning daromadini ham ko‘paytirdi. Biz ayni kunda Qarshi shahrida faoliyat yuritsak-da Nishon, Qarshi, Kasbi va Muborak tumanida faoliyat yurituvchi fermerlar bilan hamkorlikni yo‘lga qo‘ydik. Fermerlar ishiga tuman hokimlari aralashmayotgani, davlat ishtiroki bo‘lmayotgani bois fermer kim bilan hamkorlikni yo‘lga qo‘yishni istasa, shunga erishyapti. Nishon tumanidagi “Bahor ko‘zgusi” fermer xo‘jaligi biz bilan hamkorlik davrida yaxshi hosilga erishgani bois, biz mazkur fermer xo‘jaligini qo‘llab-quvvatlab, hamkorligimizni kengaytiryapmiz, — deydi Nurbek Ergashev.
Klaster rahbarining qo‘shimcha qilishicha, Muborak tumanidagi Ground white gold fermer xo‘jaligi ham klaster bilan hamkorlikni davom ettirib, yaxshi hosil olmoqda.
Izoh (0)