Қашқадарёда ўзи истаган кластер билан ҳамкорлик қилишни бошлаган нишонлик фермер янги тракторли бўлди. Бу ҳақда «Дарё»нинг мобил мухбири хабар берди.
Маълум бўлишича, Нишон туманидаги «Баҳор кўзгуси» фермер хўжалиги раҳбари Бекзод Каримов Қарши шаҳрида фаолият юритувчи пахтачилик кластери билан ҳамкорликни бошлагач, кўп ўтмай янги тракторли бўлган.
Президентимиз топшириғига кўра, кластерлар ташкил этилгач биз улар билан ҳамкорликни бошладик. Аввалгига нисбатан бу тизим жуда яхши бўлди. Лекин фермер қайси ҳудудда ишлашидан қатъи назар, хоҳлаган пахтачилик кластери билан ҳамкорлик қилишга йўл қўйиб берилгани менга чинакамига бахт олиб келди, — дейди фермер бугунги муваффақиятлари ҳақида гапирар экан.Балки, ишонмассиз, аммо мен Қарши шаҳрида фаолият юритувчи пахтачилик кластери билан ҳамкорликни бошлабоқ, янги таркторли бўлдим. Пулимни йил якунланмай тийинигача санаб олдим. Бу ҳолат шахсан менга бошқача кайфият берди — дейди нишонлик фермер.
Жорий мавсумда 35 гектар ерга чигит экиб, яхши ҳосил олдим. Ҳосилимни Sulton tex group кластерига сотдим. Ҳосилни бериб, пулини шу куни санаб олдим. Қўшимчасига янги МТЗ-80 тракторини ҳам олдим, — дейди фермер.Sulton tex group корхонаси раҳбари Нурбек Эргашевнинг айтишича, президент топшириғи энди натижа кўрсатмоқда.
Президентимиз топшириғи билан фермерларга исталган ҳудудидаги кластер билан ҳамкорлик қилиш ҳуқуқи берилиши фермерга эркинлик бериш баробарида унинг даромадини ҳам кўпайтирди. Биз айни кунда Қарши шаҳрида фаолият юрицак-да Нишон, Қарши, Касби ва Муборак туманида фаолият юритувчи фермерлар билан ҳамкорликни йўлга қўйдик. Фермерлар ишига туман ҳокимлари аралашмаётгани, давлат иштироки бўлмаётгани боис фермер ким билан ҳамкорликни йўлга қўйишни истаса, шунга эришяпти. Нишон туманидаги «Баҳор кўзгуси» фермер хўжалиги биз билан ҳамкорлик даврида яхши ҳосилга эришгани боис, биз мазкур фермер хўжалигини қўллаб-қувватлаб, ҳамкорлигимизни кенгайтиряпмиз, — дейди Нурбек Эргашев.
Кластер раҳбарининг қўшимча қилишича, Муборак туманидаги Ground white gold фермер хўжалиги ҳам кластер билан ҳамкорликни давом эттириб, яхши ҳосил олмоқда.
Изоҳ (0)