Farg‘ona shahrida harakatlanib ketayotgan yo‘lovchi tashuvchi mikroavtobusda yong‘in chiqdi. Bu haqda “Daryo”ga viloyat IIB JXX yo‘l harakati xavfsizligi boshqarmasi axborot xizmati ma’lum qildi.
Qayd etilishicha, 2022-yilning 18-oktabr kuni soat 18:15 larda Farg‘ona shahar “Yormozor” MFY Al-Farg‘oniy ko‘chasida harakatlanib ketayotgan “Gazel” rusumli avtotransport vositasida yong‘in chiqqan. Oltiariq tumanida yashovchi fuqaro E.T. boshqaruvidagi ushbu mikroavtobus “Yo‘lovchi tashuvchi” MCHJga tegishli bo‘lgan.
Yong‘in natijasida transport vositasining motor va ichki salon qismi qisman yongan. Yong‘in qisqa vaqtda viloyat Favqulodda vaziyatlar boshqarmasi xodimlari tomonidan bartaraf etilgan.
Dastlabki ma’lumotlarga ko‘ra, yong‘in natijasida tan jarohati olgan va jabrlanganlar yo‘q. Hozirda tegishli tashkilotlar tomonidan yong‘inning kelib chiqish sababi va yetkazilgan zarar miqdori aniqlanmoqda.
Izoh (0)