Shavkat Mirziyoyev Turkmanistonga rasmiy tashrif doirasida ushbu mamlakat Parlamentining yuqori palatasi raisi Gurbanguli Berdimuhamedov bilan uchrashdi.
Prezident matbuot xizmatining xabar berishicha, uchrashuvda ikki tomonlama, mintaqaviy va xalqaro hamkorlik masalalarining keng doirasi muhokama qilindi.
Shavkat Mirziyoyev Gurbanguli Berdimuhamedov tomonidan boshlangan keng ko‘lamli ijtimoiy-iqtisodiy islohotlar kuchli Turkmanistonni barpo etish uchun mustahkam poydevor bo‘lganini alohida qayd etdi.
“Bugun qardosh Turkmaniston milliy birlikni va tarixiy-madaniy an’analarni saqlash asosida jadal rivojlanmoqda. Bu butun dunyoda o‘zining yuksak e’tirofiga sazovor bo‘ldi”, – degan u.
Gurbanguli Berdimuhamedov birodar mamlakatlari va xalqlar o‘rtasidagi do‘stlik munosabatlarini mustahkamlashga hamda ularni chuqur strategik sheriklik darajasiga olib chiqishga shaxsan hissa qo‘shgani alohida ta’kidladi.
O‘zbekiston—Turkmaniston aloqalari o‘zaro hal bo‘lmagan masalalardan xoli davlatlararo sheriklikning haqiqiy namunasi ekani mamnuniyat bilan qayd etildi.
Parlamentlar o‘rtasidagi muloqot xalqlarimizning yanada yaqinlashishida eng muhim omil ekani ta’kidlandi.
“Oliy darajada erishilgan kelishuvlarning bajarilishini monitoring qilish uchun parlamentlararo hamkorlik salohiyatidan bundan buyon ham samarali foydalanishimiz lozim”, — degan Shavkat Mirziyoyev.
Uchrashuv so‘ngida Gurbanguli Berdimuhamedov Shavkat Mirziyoyevga turkman xalqi alohida qadrlaydigan alabay zotli kuchuk sovg‘a qildi.
Izoh (0)