Ўзбекистонда ўтган 9 ой давомида электр тармоқларига ноқонуний уланиш туфайли тизимга 26,1 миллард сўм зарар етказилган. Бу ҳақда АОКАда ўтказилган брифингда «Ўзэнергоинспекция» ахборот хизмати раҳбари Наврўз Норбобоев маълум қилди.
Қайд этилишича, ноқонуний фойдаланиш ҳолатларининг энг кўпи Сурхондарё, Қашқадарё, Жиззах ва Фарғона вилоятларида аниқланган. «Ўзэнергоинспекция» ва ваколатли органлар билан келишилган ҳолда ўтказилган тадбирларда электр ва иссиқлик энергиясидан ноқонуний фойдаланган 440 та истеъмолчи томонидан 87,1 миллард сўм етказилган зарар бўйича қайта ҳисоб-китоблар амалга оширилди.
Текширувларда ноқунуний уланган, қониқарсиз техник ҳолатдаги жами 3608 та электр қурилманинг иши ҳамда хавфсизликка риоя қилмаган 35 та бригаданинг иши тўхтатилди.
Мавзуга доир:
Изоҳ (0)