Surxondaryo viloyati Denov tumanida profilaktika inspektori bilan birga-bir urishmoqchi bo‘lganlar qamaldi. Bu haqda Axborot va ommaviy kommunikatsiyalar agentligi Surxondaryo viloyati hududiy boshqarmasi xabar bermoqda.
Ta’kidlanishicha, 10-oktabrga o‘tar kechasi soat 00:20 da 32 yoshli shaxs 22 yoshli jiyani va boshqa tanishlari bilan tug‘ilgan kunini nishonlash bahonasida Denov tumanidagi kafelarning birida spirtli ichimlik ichgan. Mast holatda bo‘lgan fuqarolar kafening yopilishini talab qilgan profilaktika inspektorining talablarini bajarmay, unga faol qarshilik ko‘rsatgan. Hatto ular inspektordan formasini yechib, 22 yoshli jiyani bilan urishishini so‘rab, uni haqorat qilgan.
Jinoyat ishlari bo‘yicha Denov tumani sudida o‘tkazilgan ochiq sud majlisida ichki ishlar xodimi bilan janjallashgan ikki shaxs ishi ko‘rib chiqilgan.
Sudlanuvchilar spirtli ichimlik ta’siri bo‘lgani, aybiga iqror bo‘lib, qilgan ishidan pushaymonligini bildirgan. Sud hukmiga ko‘ra, Ma’muriy javobgarlik to‘g‘risidagi kodeksning 183-moddasi (mayda bezorilik) bilan 15 sutka ma’muriy qamoq jazosi tayinlangan.
Izoh (0)