Баъзида кастинг менежерлари ҳам хатоларга йўл қўйишади, буни кино мухлислари дарҳол сезади: кимдир жуда чиройли, кимдир эса ҳақиқатга мос келмаслиги мумкин. Қуйида ролларига умуман мос келмаган актёрлар ҳақида билиб оласиз.
Жозеф Файнс Майкл Жексон ролида («Шаҳар афсоналари»)
Поп қиролини деярли бутун дунё севади ва унинг образини экранда гавдалантириш жуда қийин. Аммо «Шаҳар афсоналари» комедик сериали ижодкорлари актёрни ўхшатишга умуман ҳаракат ҳам қилиб кўрмаган: ҳатто хонанданинг жияни ҳам бу мавзуда гапириб, актёр танлашни «ҳурматсизлик» деб атади. Сериалнинг ушбу эпизодини машҳур танқидчилар қабул қилишмаган.
Эмма Уотсон Белл ролида («Соҳибжамол ва махлуқ»)
Баъзи томошабинлар ва танқидчилар Белл ролига Эмма Уотсон мос тушмаган деб ҳисоблашган. «Нуҳ» фильмида унинг қаҳрамони кўпчиликни ҳайратда қолдирди, аммо «Соҳибжамол ва махлуқ» фильмида Эмма шу қадар зерикарли эдики, қизга актёрлик бўйича дарсликни қайта ўқиш тавсия қилинди. Томошабинлар Уотсонни гўзаллигини тан олади, лекин бу фильмда у жуда зерикарли образ яратган, киноижодкорлар эса мюзиклдаги рол учун куйлай оладиган актрисани танлашлари керак эди.
Натали Портман Лина ролида («Йўқолиш»)
Актрисанинг ҳар қандай мухлиси Наталининг «Қора оққуш» фильмидаги ажойиб ижросини эслайди. Балерина ролида у кўпчиликнинг кўнглидан жой олди, аммо томошабинларнинг фикрига кўра, у «Йўқолиш» фильмидаги биолог олима ролини уддалай олмагани. «Ҳар бир саҳнада Портман бошқа актёрларнинг соясида қолиб кетади. Ва бу ҳайратланарли, чунки у бош қаҳрамон эди», — дейди томошабинлар ўз фикрлари билан ўртоқлашиб.
Тилда Суинтон Дианна ролида («Комплекссиз қиз»)
Одатда Суинтоннинг барча қаҳрамонлари ностандарт кўринади ва узоқ вақт давомида хотирада қолади, аммо «Комплекссиз қиз» фильмида унинг характери томошабинга таниш бўлган актрисанинг «ғайриоддий» ролидан узоқ. Фильмда у разил ишбилармон аёлни ўйнайди ва томошабинларга актрисанинг ажойиб истеъдоди шунчаки беҳуда кетгандек туюлди.
Киану Ривз Жонатан Харкер ролида («Брем Стокер Дракуласи»)
Дракула романининг ушбу фильмга мослашуви энг яхшиларидан бири деб ҳисобланишига қарамай, кўплаб томошабинлар Kiaнунинг Жонатан ролини ижро этганига совуққонлик билан муносабатда бўлишди. Актёрнинг инглизча талаффузи ишончсиз чиққан.
Унинг ижроси зерикарли деб топилган ва у Энтони Хопкинс ва Гари Олдмен каби юлдузлар ёнида бундай тажрибасиз актёрнинг бўлишини ёқтиришмаган. Аммо «Матрица» премьерасидан сўнг Kiaну ўзининг биринчи даражадаги юлдуз эканини исботлади.
Дениз Ричардс доктор Крисмас Жонс ролида («Дунё етарли эмас»)
Фильм чиққандан кейин киноижодкорлар Дениз Ричардсни доктор Жонс ролига тасдиқлашгани учун танқидга учради. Томошабинлар фикрича, актриса ролини яхши ўйнолмаган ва ядро-физик олим роли учун жуда ёшлик қилади. Дениз ҳатто тарихдаги энг ёмон Бонд қизи деб аталди.
Томошабинлар кимни энг яхши деб билишади? Шубҳасиз, Моника Беллуччи: у 007 агентининг қиз дўсти ролида томошабинлар кўнглидан жой олган. Актрисанинг ўзи уни Бонд қизи деб аташ нотўғри эканлигини айтади. «Қиз дейиш учун ёшим катталик қилади. Аксинча: «Бонд хоними» ёки «Бонд аёли», деса ҳам бўлаверади», — дейди Моника.
Флекс Александер Майкл Жексон («Кўзгудаги одам»)
Майкл Жексон ролини ўйнаган фақатгина Файнс эмас эди. 2004 йилда «Кўзгудаги одам: Майкл Жексон ҳаёти» фильми суратга олинди, унда қўшиқчи ролини Флекс Александер ўйнади.
Ушбу фильм ҳам танқидчилар томонидан эътибордан четда қолмади. «Мен кўрган энг ёмон актёрлик иши», — деб ёзган улардан бири. «Грим, саҳналаштириш ва камера иши шунчалик ёмонки, буни ҳақорат деб қабул қилиш мумкин», — деган танқидчилардан яна бири.
Изоҳ (0)