“O‘zgidromet” tomonidan joriy yilning 17-oktabrida O‘zbekistonning barcha hududlariga sovuq va nam havo massalari kirib kelishi haqida xabar berilgan edi. Markazning ma’lum qilishicha, uzoq vaqt davomida yog‘ingarchilikning bo‘lmagani va havo haroratining inversiyasi natijasida 17-oktabr kuni 18:00 dan 23:00 gacha Toshkent shahri atmosfera havosi mayda chang zarrachalari bilan ifloslanishi kuchayishi kutilmoqda.
Shu munosabati bilan Toshkent shahri aholisi va mehmonlariga “O‘zgidromet” tomonidan quyidagi maslahatlar berilgan.
- imkoni boricha, uydan chiqmaslikka harakat qilish kerak.
- ko‘chada bo‘lganda, albatta, tibbiy niqob taqish va uni har bir soatda almashtirish lozim.
- nafas qaytishi, burun bitishi, aksa urish, tumov, ko‘zlar qizarishi va qichishishi, tomoqda qattiq qichishish, yo‘tal paydo bo‘lganda zudlik bilan allergolog shifokorga murojaat qilish lozim.
AQSHning Havo sifati indeksi reytingi ma’lumotlariga ko‘ra, Toshkent 17-oktabr soat 15:27 holatiga ko‘ra dunyodagi havosi eng iflos shahar.
Izoh (0)