Monopoliyaga qarshi kurashish qo‘mitasi raisi o‘rinbosari Bekzod Ummatov Asaka tumani hokimi etib tayinlandi. Bu haqda Xalq deputatlari Asaka tuman Kengashining navbatdan tashqari sessiyasida ma’lum qilindi, deb xabar bermoqda “Daryo” muxbiri.
Bekzod Ummatov 1982-yilda Toshkent shahrida tug‘ilgan bo‘lib, 2003-yilda Toshkent Moliya institutini, 2016-yilda Bank-moliya akademiyasini tamomlagan.
Tumanning yangi hokimi mehnat faoliyati davomida davlat boshqaruv tizimida bir qator vazifalarda ishlagan. Jumladan, 2004—2010-yillarda bank sohasida ishlagan, 2011-yildan Raqobatni rivojlantirish Davlat qo‘mitasi tizimida turli lavozimlarda faoliyat olib borgan. 2017—2019-yillar davomida Vazirlar Mahkamasida ishlagan.
Ummatov 2019-yilning fevral oyidan buyon Monopoliyaga qarshi kurashish qo‘mitasi raisining o‘rinbosari sifatida ishlab kelayotgandi. Tumanning sobiq hokimi Mansur Alixonov 2020-yilning sentabr oyida Asaka tumani hokimi lavozimiga tayinlangandi. U mazkur tayinlovga qadar Jalaquduq tumani IIB boshlig‘i lavozimida faoliyat yuritgan.
Izoh (0)