“Avtozak” nashri muxbirlari huquqni himoya qilish tashkilotlari ma’lumotlarini tahlil qilib chiqib, “Vagner” xususiy harbiy kompaniyasi va Rossiya Mudofaa vazirligi “yollovchilari” butun mamlakat bo‘ylab 15 130 nafar mahbusni urushga olib ketganini aniqladi.
Eng ko‘p holatlar Rostov va Bryansk viloyatlarida hamda Mordoviya respublikasida qayd etilgan. “Yollovchilar” faqat markaziy Rossiya va Uraldagi koloniyalarda bo‘lgan.
Mahkumlar va ularning qarindoshlari bergan ma’lumotlarga ko‘ra, axloq tuzatish koloniyalarining ko‘pchiligiga Yevgeniy Prigojinning shaxsan o‘zi yetib kelib, urushga borishni targ‘ib qilgan. “Yollovchilar” mahbuslar qarshisida so‘zlagan nutqlar mutlaqo bir xil bo‘lgan.
“Mahbuslar qanday asoslar bilan koloniyalardan eshelon-eshelon qilib olib chiqilayotgani va noqonuniy qurolli guruhlar tomonida turib jang qilishga yuborilayotganini huquq himoyachilari tushunmayapti”, — deyiladi xabarda.
Avvalroq Rossiya Mudofaa vazirligi Ukraina bilan urushga mahbuslarni ham jalb qilishni boshlagani, ulardan “Shtorm” maxsus otryadi tuzilayotgani, uning tarkibiga huquqni muhofaza qilish organlarining mahkum xodimlari kirayotgani xabar berilgandi.
OAVlarda iyul boshida Vagner xususiy harbiy kompaniyasi Rossiya koloniyalaridagi mahbuslarni yollayotgani haqida xabarlar paydo bo‘la boshladi. Kompaniya vakillari mamlakatning 13 ta mintaqasidagi 21 ta koloniyada borgani xabar qilingan.
“Mediazaona” ma’lumotlariga ko‘ra, mahbuslar orasida tashviqot olib borish uchun biznesmen Yevgeniy Prigojinning shaxsan o‘zi ham borgan, u Vagner xususiy harbiy kompaniyasi egasi hisoblanadi. Jangovar harakatlarda qatnashish evaziga mahbuslarga 100 ming rubl maosh, mukofot pullari, ular halok bo‘lgan taqdirda, oilalariga to‘lovlar, shuningdek, yakunda aministiya va’da qilingan.
Vagner guruhi o‘zi qanday guruh?
Vagner guruhi birinchi marta Ukrainada 2014-yilda paydo bo‘lgan va Rossiyaning Qrimni egallab olishida muhim rol o‘ynagan edi.Unga maxsus topshiriqli bo‘linma sobiq jangchisi Dmitriy Valeryevich Utkin asos solgan deb hisoblanadi, u guruhga Gitlerning sevimli kompozitori Richard Vagnerning nomini bergan.
Ko‘plab G‘arb OAVlari Vagner guruhi to‘g‘ridan to‘g‘ri Vladimir Putinga bo‘ysunishini yozadi. Uning yollanma jangchilari bolalarni o‘ldirish, ayollarni zo‘rlash va qiynoqqa solish, shuningdek, shafqatsiz qotilliklarda ayblanib keladi.
Izoh (0)